完整藏文原文 · 德格版页 当前仅加载第 82 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཀུན་དུ་སྤྱོད་པ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཚུལ་བཞིན་མ་ཡིན་རྣམ་སྤངས་ནས། །བག་མེད་གནས་ལས་བཟློག་པར་བྱ། །འདི་ནི་ཡེ་ཤེས་བདུད་རྩི་ཡིན། །བྱང་ཆུབ་ཚུལ་འདི་བསྟན་
D453.082.0153b01.01པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཟླ་བ་རྣམ་པར་དག་པའི་དཔལ་སངས་རྒྱས་ཐམས་ཅད་ཀྱི་སྤྱོད་པ་དག་པའི་སྣང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་ལུས་སེམས་བདེ་གནས་
D453.082.0153b02.01ཤིང་། །ལྡོག་པ་མེད་པའི་བརྩོན་འགྲུས་ཀྱིས། །དཀར་པོའི་ཆོས་ལ་སྤྱོད་པར་བྱ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དོན་ཐམས་ཅད་གཟིགས་པ་རྡོ་རྗེ་སངས་རྒྱས་ཐམས་ཅད་ཀྱི་ལྟ་བ་རྣམ་པར་དག་པའི་གནས་
D453.082.0153b03.01རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་རྒྱུ་དང་འབྲས་བུའི་ཆོས། །ཆུད་མི་ཟ་བ་ངེས་འབྱུང་ཕྱིར། །ཤིན་ཏུ་དག་ཚེ་སྡུག་བསྔལ་འགྱུར། །དེ་ཉིད་ཕྲ་བ་རྟོགས་པར་དཀའ། །ཞེས་གསུངས་སོ། །དེ་ནས་
D453.082.0153b04.01དེ་བཞིན་གཤེགས་པ་མཐུ་སྟོབས་མཐའ་ཡས་རྡོ་རྗེ་སངས་རྒྱས་ཐམས་ཅད་ཀྱི་ཀུན་དུ་སྤྱོད་པ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཚུལ་བཞིན་མ་ཡིན་རྣམ་སྤངས་ནས། །བག་མེད་གནས་ལས་བཟློག་པར་བྱ། །
D453.082.0153b05.01འདི་ནི་ཡེ་ཤེས་བདུད་རྩི་ཡིན། །བྱང་ཆུབ་ཚུལ་འདི་བསྟན་པ་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དཔའ་བོ་ཆེན་པོ་རྡོ་རྗེ་སངས་རྒྱས་ཐམས་ཅད་ཀྱི་ངེས་པའི་ལྟ་བ་ཡང་དག་པ་དྲན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་
D453.082.0153b06.01པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དག་པའི་འབྲས་བུ་བདེ་བ་སྟེ། །མ་དག་པ་ལས་སྲིད་པར་ལྟུང་། །རྣམ་པར་ངེས་པས་ཡེ་ཤེས་ཆེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འབྱོར་ལྡན་
D453.082.0153b07.01