完整藏文原文 · 德格版页 当前仅加载第 82 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
ཉལ་དུ་གཞུག །ནང་པར་རྨི་ལམ་ངན་གྱུར་གང་། །གསང་སྔགས་སྦྱིན་སྲེག་རིམ་པས་ཟློག །དེ་ནས་རྡོ་རྗེ་སློབ་དཔོན་དང་། །སྒོ་བཞིའི་ཕྱོགས་ཀྱི་རྣལ་འབྱོར་དང་། །ལས་ཀྱི་སྐྱེས་བུར་བཅས་པ་ཡིས། །མཆོད་བསྟོད་ལྷ་ལ་གསོལ་བ་གདབ། །མ་ལུས་
D453.082.0281a01.01ཕྱོགས་བཅུར་བཞུགས་པ་ཡི། །དུས་གསུམ་སངས་རྒྱས་བདག་ལ་དགོངས། །རྡོ་རྗེ་འཛིན་པ་འདི་ཞེས་པས། །གསང་ཆེན་དཀྱིལ་འཁོར་འབྱུང་བ་ཡི། །དེང་འདིར་སངས་རྒྱས་ཀུན་གཤེགས་ཤིག །དངོས་གྲུབ་མ་ལུས་བདག་ལ་གསོལ། །ཞེས་ནི་ལན་གསུམ་
D453.082.0281a02.01བརྗོད་པར་བྱ། །དེ་ནས་ལས་ཀྱི་ཆོ་ག་ནི། །སར་པ་ལེགས་པར་བཀལ་བ་དང་། །ཚད་ལྡན་མཛེས་པའི་སྲད་བུ་ཡིས། །རང་འདོད་ལྷ་ཡི་གཟུགས་གནས་པས། །ཤེས་རབ་ཅན་གྱིས་ཐིག་གདབ་བྱ། །ཁྱད་པར་ཡེ་ཤེས་ལྡན་པས་ནི། །སློབ་དཔོན་ཤར་ལྟ་སློབ་མ་ནུབ། །
D453.082.0281a03.01སློབ་དཔོན་ལྷོར་འདུག་སློབ་མ་བྱང་། །གཉིས་པ་ཡང་ནི་གདབ་པར་བྱ། །ཚངས་པའི་ཐིག་ནས་བརྩམས་ནས་ནི། །མཁས་པས་ཆ་ཤས་གདབ་པར་བྱ། །མེ་ཡི་ཕྱོགས་སུ་གནས་པ་ཡིས། །བྱང་ལྟས་ཤར་གྱི་ཐིག་གདབ་བྱ། །རླུང་དུ་གནས་ཏེ་ལྷོར་བལྟས་པས། །ནུབ་
D453.082.0281a04.01ཀྱི་ཐིག་ནི་གདབ་པར་བྱ། །དེ་ཉིད་ནས་ནི་བྱང་ངོས་གདབ། །མེར་གནས་ལྷོ་ཕྱོགས་ཐིག་བྱ་ཞིང་། །དེ་ནས་རླུང་གི་ཕྱོགས་སུ་བྱ། །བདེན་བྲལ་གནས་པས་དབང་ལྡན་བར། །ཚད་ལྡན་རིམ་པས་གདབ་པར་བྱ། །ཀུན་ནས་ཡོངས་སུ་ཟླུམ་པོ་ཡི། །ཕོ་བྲང་ལེ་ཙེ་
D453.082.0281a05.01དགུ་པར་བྱ། །སོ་སོའི་ལྷ་ཁྱམས་དང་བཅས་པ། །སྒོ་བཞིས་ཀུན་ནས་བརྒྱན་པར་དགོད། །སྤྱི་ཁྱབ་ཕོ་བྲང་ནང་མ་ལ། །ལེ་ཙེ་ཉི་ཤུ་རྩ་ལྔ་པའི། །དཀྱིལ་འཁོར་སོ་སོར་ཤེས་པར་བྱ། །བར་ཁྱམས་ལ་ནི་དཀྱིལ་འཁོར་དྲུག །གསང་བའི་བདག་པོའི་དཀྱིལ་འཁོར་དང་། །
D453.082.0281a06.01ཚངས་པ་ཆེན་པོའི་ཕོ་བྲང་སྟེ། །སུམ་ཅུ་གསུམ་དུ་བྲི་བར་བྱ། །བར་བར་ཤར་དུ་རྡོ་རྗེ་དང་། །འཁོར་ལོ་སངས་རྒྱས་ཀུན་རང་བཞིན། །ལྷོར་ནི་ནོར་བུ་རིན་ཆེན་འབར། །ནུབ་ཕྱོགས་པདྨ་ཨུཏྤལ། །བྱང་དུ་རལ་གྲི་རྒྱ་གྲམ་བཅས། །སྟོང་དག་གི་ནི་གནས་ཡིན་ནོ། །དེ་ནས་སྒོ་
D453.082.0281a07.01