完整藏文原文 · 德格版页 当前仅加载第 82 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡུལ་དང་དུས་དང་བསམ་པ་དང་། །རྣམ་པར་རིག་པ་ལས་འདས་ཤིང་། །རྣམ་པ་མ་ལུས་ནུབ་པའི་བདག །བྱང་ཆུབ་སེམས་འདི་བསྟན་པའོ། །ཞེས་གསུངས་སོ། །
D453.082.0265a01.01དེ་ནས་དེ་བཞིན་གཤེགས་པ་སྐྱེ་དབང་རྒྱལ་པོ་སངས་རྒྱས་ཐམས་ཅད་ཀྱི་རྟོག་མེད་རྡོ་རྗེའི་གནས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་དང་ཆོས་ཉིད་མེད་པ་ཡི། །རྣམ་པར་རྟོག་དང་མི་རྟོག་མེད། །རྡོ་རྗེའི་རང་བཞིན་ཀུན་གྲོལ་
D453.082.0265a02.01བས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྒྲ་གཅན་སྦེད་སངས་རྒྱས་ཐམས་ཅད་ཀྱི་མངོན་པར་བྱང་ཆུབ་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དབང་གི་རྒྱལ་པོ་བཻཌཱུ་ཪྻ། །
D453.082.0265a03.01དེ་ཉིད་རིན་ཆེན་བསམ་འཕེལ་ཞེས། །བསམ་པའི་དོན་ཀུན་སྒྲུབ་བྱེད་མ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དགེ་བའི་མཛད་པ་སངས་རྒྱས་ཐམས་ཅད་ཀྱི་དམིགས་མེད་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0265a04.01ཀྱི་སེམས་འདི་གསུངས་སོ། །དཔེ་མེད་བརྗོད་འདས་བློ་ཡུལ་བྲལ། །ལྷན་ཅིག་སྐྱེས་པའི་ངོ་བོ་ཉིད། །གདོད་ནས་སྙིང་པོ་རྫོགས་སངས་རྒྱས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སེང་གེའི་བློ་གྲོས་སངས་རྒྱས་ཐམས་
D453.082.0265a05.01ཅད་ཀྱི་ལྷུན་གྲུབ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རང་སེམས་འོད་གསལ་དག་པ་ལས། །འཕྲུལ་བྱུང་རྐྱེན་གྲོལ་ཆོས་ཉིད་དང་། །རྒྱུན་ཆད་མེད་པའི་ལམ་གྱིས་རྒྱས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །
D453.082.0265a06.01དེ་ནས་དེ་བཞིན་གཤེགས་པ་རིན་ཆེན་གྲགས་པ་སངས་རྒྱས་ཐམས་ཅད་ཀྱི་བག་ཆགས་གཅོད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་པ་ཀུན་དུ་ཤེས་བྱ་དང་། །ཉོན་མོངས་ཉེ་བའི་ཀུན་ཉོན་མོངས། །མཁའ་ཡི་སྤྲིན་ཚོགས་
D453.082.0265a07.01