完整藏文原文 · 德格版页 当前仅加载第 82 函德格 317b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་དུ། །ཕུན་སུམ་ཚོགས་པ་སྟོན་ཕྱིར་གསུངས། །རྣལ་འབྱོར་པ་འདི་ཅི་སྤྱོད་ཀྱང་། །ཐམས་ཅད་དུ་ནི་སྨད་མི་བྱ། །རྟོག་པ་ཀུན་ལས་རྣམ་གྲོལ་ཕྱིར། །ཇི་ལྟར་འདོད་པར་བྱ་བ་མེད། །དེ་ནི་དངོས་ཀུན་ངོ་བོ་སྟེ། །ཁྱབ་བདག་སངས་རྒྱས་ཀུན་རང་བཞིན། །རང་བྱུང་ཇི་ལྟར་འདོད་
D453.082.0317b01.01བ་སྤྱད། །སེམས་ཅན་ཀུན་གྱི་སྙིང་ལ་ཞུགས། །དེ་ཉིད་ཐམས་ཅད་བླ་ན་མེད། །འདི་ནི་རྣལ་འབྱོར་དབང་པོ་མཆོག །རྣལ་འབྱོར་སྐྱེས་བུར་བཤད་པ་སྟེ། །རྗེས་སུ་རྣལ་འབྱོར་རིགས་པ་མཆོག །གཉིས་འདུས་ཤིན་ཏུ་རྣལ་འབྱོར་ཏེ། །གཉིས་མེད་ཡེ་ཤེས་རྣལ་འབྱོར་ཆེ། །རྣལ་
D453.082.0317b02.01འབྱོར་དེ་ནི་སངས་རྒྱས་འགྱུར། །ཡེ་ཤེས་རྒྱ་མཚོ་དམ་པ་ཉིད། །འོ་མའི་རྒྱ་མཚོ་བསྲུབས་པ་ལས། །མར་ནི་ཤིན་ཏུ་འདུ་བ་ལྟར། །དབའ་རླབས་འདུས་པས་སྟོབས་གྱུར་པ། །གཞན་ཡང་ཐམས་ཅད་སྐྱེ་འགྱུར་ཞིང་། །འཇིག་རྟེན་འཇིག་རྟེན་འདས་པ་དང་། །བརྟན་དང་གཡོ་
D453.082.0317b03.01བའི་ཆོས་ཀུན་གྱིས། །སྲིད་གསུམ་བདག་པོ་རྣམ་པར་འཕྲུལ། །དེ་ལྟར་བདུད་རྩི་ལས་ནི་ལངས། །ཉན་ཐོས་རང་རྒྱལ་འབྱུང་བ་དང་། །བྱང་ཆུབ་སེམས་དཔའི་ས་ལས་ནི། །ཁྱད་པར་འགྲོ་བ་གཅིག་པ་ཉིད། །རྡོ་རྗེ་འཛིན་པ་ས་དགེ་བ། །བཅུ་གསུམ་དུ་ཡང་རྣམ་བཤད་པ། །
D453.082.0317b04.01གྲུ་གསུམ་རྣམ་པར་འབྱུང་བ་ནི། །འདིར་ནི་ཆོས་ཀྱི་འབྱུང་གནས་བརྗོད། །མེ་ལོང་ནང་གི་གཟུགས་བརྙན་ནི། །ཇི་ལྟར་ཀུན་དུ་སྣང་གྱུར་པ། །དེ་བཞིན་གཉིས་མེད་ཡེ་ཤེས་འདིར། །སངས་རྒྱས་བྱང་ཆུབ་བསམ་མི་ཁྱབ། །ནམ་མཁའ་ལྟ་བུའི་ཆོས་རྣམས་ལ། །རྣམ་པར་
D453.082.0317b05.01རྟོག་པའི་རྒྱན་གྱིས་བརྟགས། །རང་བྱུང་གཅིག་ཉིད་གཉིས་སུ་མེད། །སེམས་ཅན་བསམ་པའི་དབང་གིས་ནི། །ལྟ་དང་གྲུབ་མཐའ་སྣ་ཚོགས་བསྟན། །ཐ་དད་ལྟ་བར་འཇིག་རྟེན་པ། །ཀུན་མཁྱེན་གཅིག་བུ་གཉིས་སུ་མེད། །གང་དུ་བདག་དང་ཕྱག་རྒྱ་དག །
D453.082.0317b06.01གཉིས་མེད་བདེ་བས་བརྒྱལ་གྱུར་ཚེ། །དེ་ཡི་བདེ་བས་ཀུན་ཁྱབ་བྱེད། །ཆོས་ཀུན་ངོ་བོ་གཅིག་པར་ནི། །ཡེ་ཤེས་འདུ་འབྲལ་མེད་པ་ཉིད། །རྣལ་འབྱོར་པ་ཡི་གསང་བ་ཡིན། །དགའ་བ་སྐྱེད་བྱེད་བཟང་པོ་སྟེ། །མ་ལུས་དོན་གྱི་འབྲས་རབ་སྟེར། །དངོས་པོའི་
D453.082.0317b07.01