完整藏文原文 · 德格版页 当前仅加载第 82 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ཕྱོགས་བཅུ་ཀུན་དུ་སྣང་བ་ཡི། །འོད་ཟེར་འཕྲོ་བས་འཁྲུགས་པ་ཡི། །ལྷ་མོ་གར་གྱིས་མཆོད་བྱེད་པའི། །གསང་བ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་
D453.082.0189b01.01གཤེགས་པ་སེང་གེའི་སྟོབས་སངས་རྒྱས་ཐམས་ཅད་ཀྱི་མཚན་དང་དཔེ་བྱད་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ལྷ་དབང་མི་རྣམས་ཀུན་ལ་ཡང་། །དེ་ཉིད་ཡེ་ཤེས་སྐལ་བ་ཅན། །བཟང་པོ་སྲིད་གསུམ་
D453.082.0189b02.01སྤྱད་པར་བྱ། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དྲི་མ་མེད་པའི་སྤྱན་སངས་རྒྱས་ཐམས་ཅད་ཀྱི་བདེ་བའི་གཞལ་མེད་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །
D453.082.0189b03.01ཆོས་རྣམས་ཀུན་དུ་མི་ཕྱེད་པའི། །ཐ་དད་བློ་ནི་རྣམ་སྤངས་ནས། །ཡང་དག་ཡེ་ཤེས་སྣང་བ་ཅན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་བ་འོད་སྲུང་སངས་རྒྱས་ཐམས་ཅད་ཀྱི་བཀྲ་ཤིས་གདུགས་ལྟ་བུ་ཞེས་བྱ་བའི་
D453.082.0189b04.01ཏིང་ངེ་འཛིན་ལ་སྙོམས་བར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །གླིང་རྣམས་ཀུན་གྱི་སེམས་ཅན་ཁམས། །བྱམས་པའི་གདུགས་ཀྱིས་ཁྱབ་བྱེད་པ། །མཐའ་སྐོར་བགྲང་མི་ལང་བར་སྟོན། །བྱང་ཆུབ་ཚུལ་འདི་བསྟན་པའོ། །ཞེས་
D453.082.0189b05.01གསུངས་སོ། །དེ་ནས་དེ་བཞིན་གཤེགས་པ་བློ་གསལ་སངས་རྒྱས་ཐམས་ཅད་ཀྱི་ཉའི་ལྟོ་ལྟ་བུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །བསམ་མི་ཁྱབ་པའི་ཆོས་ཀྱི་གནས། །འདྲེན་པ་བདུད་རྩི་སྤྱན་
D453.082.0189b06.01ཡངས་པས། །ཐུགས་རྗེ་རྒྱུན་ཆད་མེད་པར་གཟིགས། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་བགྲོས་སངས་རྒྱས་ཐམས་ཅད་ཀྱི་པདྨ་ལྟ་བུར་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།
D453.082.0189b07.01