完整藏文原文 · 德格版页 当前仅加载第 82 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བྱེད་སྣ་ཡི་བུ་ག་ནས། །རྒྱུ་བ་རྩ་ཡི་མཚན་ཉིད་ཅན། །འཇུག་པ་གཡོན་ནས་ཐུར་དུ་འགྲོ། །འབྱུང་བ་གཡས་རྩ་གྱེན་དུ་བསྐྱོད། །ཇི་སྲིད་ཉི་མ་ཤར་པ་ནས། །ནུས་ཀྱི་བར་ལ་ཉིན་མོའི་ཆ། །ཇི་སྲིད་ནུབ་པ་ཉིད་གྱུར་པས། །ནམ་ནངས་པར་དུ་མཚན་མོའི་ཆ། །
D453.082.0176b01.01མཚམས་ལས་བར་མར་གྱུར་པ་དང་། །ཉིན་མཚན་གཉིས་ལ་ཞག་གཅིག་སྟེ། །དེ་ལས་དུས་བཞིར་གནས་པ་ཡིན། །དེ་ལས་ཉིན་དང་མཚན་མོ་ཡིས། །ཐུན་ཚོད་བརྒྱད་དུ་འགྱུར་བ་ཡིན། །ཡན་ལག་བཅུ་དྲུག་དག་ཡིན་ཏེ། །ཐུན་ནི་ཕྱེད་ཕྱེད་དག་ཏུ་རླུང་། །སྣ་ཡི་བུ་གར་
D453.082.0176b02.01ཡང་དག་རྒྱུ། །ཡར་ངོའི་ཚེས་གཅིག་ནས་བཟུང་ནས། །ཉིན་ཞག་གསུམ་དུ་ཐུན་ཕྱེད་ལ། །ཟླ་བའི་རླུང་ནི་རབ་རྒྱུ་བ། །དེ་ནས་གཞན་གསུམ་ཉི་མའི་རླུང་། །འདིས་ནི་{གོ་རིམས་,གོ་རིམ་}ཇི་སྲིད་དུ། །ཡར་ཚེས་{བཅྭ་,བཅོ་}ལྔའི་བར་དུའོ། །མར་ངོའི་ཚེས་གཅིག་ནས་བཟུང་སྟེ། །ཉིན་ཞགས་གསུམ་
D453.082.0176b03.01དུ་སྔ་དྲོའི་ཆ། །གྲགས་པ་ཉི་མའི་རླུང་རྒྱུ་བའོ། །དེ་བཞིན་ཚེས་ནི་{བཅྭ་,བཅོ་}ལྔའི་བར། །ཐུན་རེ་ཡི་ནི་བཞི་པ་རྣམས། །ཆུ་ཚོད་དུ་ནི་བརྗོད་པ་ན། །ཉིན་ཞག་གཅིག་གི་དུས་ཀྱི་ཆ། །སུམ་ཅུ་རྩ་གཉིས་བརྗོད་པར་བྱ། །དེ་ལས་བསྒྲེས་པའི་དབྱུག་གུ་ནི། །དྲུག་ཅུ་རྩ་བཞིའི་གྲངས་ཀྱིས་ནི། །ཕྱེད་ཕྱེད་བསྟན་པས་དབྱུག་
D453.082.0176b04.01གུ་ཡིན། །སྣ་རྩེའི་རླུང་གི་རྒུ་བ་དང་། །འབྱུང་དང་འཇུག་དང་གནས་པ་ལས། །དབུགས་གཅིག་ཏུ་ནི་བརྗོད་པ་ཡིན། །དེ་ཉིད་རླུང་གི་སྦྱོར་ཤེས་པས། །དབུགས་དྲུག་གྲོག་ཏུ་ཤེས་པར་བྱ། །སྲོག་ནི་ལྔ་བཅུ་ཐམ་པ་དང་། །དབུགས་གསུམ་རྐང་པ་དེ་དཔལ་ལྡན། །ཉི་མ་བྱང་དུ་
D453.082.0176b05.01རྒྱུ་དུས་ཀྱི། །ཉི་མ་དང་པོའི་དབྱུག་གུ་ཡིན། །ཉི་མ་ལྷོར་ནི་འབྱུང་དུས་ཀྱི། །མཚན་མོ་ཡང་ནི་དེ་བཞིན་འགྱུར། །དབྱུག་གུ་རེ་རེ་འཕེལ་འགྲིབ་ནི། །དུས་ཀྱི་དབྱེ་བས་ཤེས་པར་བྱ། །དབུགས་ནི་དྲག་པོ་བཞི་ཆར་བཅས། །འཕོ་བ་སོ་སོའི་འཕེལ་འགྲིབ་ཡིན།།
D453.082.0176b06.01དབུགས་ཀྱི་སུམ་ཆ་དེའི་བཞི་ཆའི། །དྲུག་ཆས་ཉི་མ་རེ་རེར་འགྱུར། །ཐུན་ནི་ཕྱེད་ཕྱེད་རྒྱུ་བ་ལས། །ཕྱིན་ཅི་ལོག་ཏུ་འཕོས་གྱུར་ན། །རྩོད་པ་ལ་སོགས་ངེས་འགྱུར་བས། །མཁས་པས་འདི་དག་ཡང་དག་བརྟག །ཉི་མ་བདུན་གྱི་བར་དག་ཏུ། །ཕྱིན་ཅི་
D453.082.0176b07.01