完整藏文原文 · 德格版页 当前仅加载第 82 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་ནི་རྒྱ་ཆེ་བའི། །དཀྱིལ་འཁོར་ཆེན་པོ་བསྟན་དུ་གསོལ། །ཞེས་གསོལ་པ་དང་། བཅོམ་ལྡན་འདས་དེ་ཉིད་ཀྱིས་ཡེ་ཤེས་ཀྱི་སྣང་བའི་ཚུལ་ལས་བྱུང་བ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་བྱུང་བ་ནི་རྡོ་རྗེ་དཀྱིལ་འཁོར་ཡེ་ཤེས་ལས་གྲུབ་པ་ཀུན་དུ་སྣང་
D453.082.0112b01.01བར་བྱེད་པ་མཚུངས་པ་མེད་པའི་འོད་ཀྱིས་ཁྱབ་པ་བཀོད་པ་ཚད་མེད་པའི་ཕྲིན་ལས་ཡོན་ཏན་ཐམས་ཅད་རབ་ཏུ་འབྱུང་བའི་གནས་རིན་པོ་ཆེ་སྣ་ཚོགས་འདུས་པ་ལས་རང་བྱུང་བ། གྲུ་བཞི་སྒོ་བཞི་པ། རྟ་བབས་རིམ་པ་དུ་མས་མཛེས་པ། རྡུལ་མེད་ཅིང་རྣམ་པར་དག་
D453.082.0112b02.01པའི་ཡེ་ཤེས་ལས་བྱུང་བ། སྒོ་ཕྱི་དང་ནང་གི་བདག་ཉིད་ཅན། ཕོ་བྲང་ནང་དུ་ནི་དྲི་མ་མེད་པའི་ཡེ་ཤེས་ཀྱི་དཀྱིལ་འཁོར་ལ་རྡོ་རྗེའི་ཀ་བས་བཏེག་པ། རྡོ་རྗེ་རིན་པོ་ཆེའི་གདུང་གིས་བཅད་པ། དཀྱིལ་འཁོར་ཉི་ཤུ་རྩ་ལྔ་རབ་ཏུ་གནས་པ། ཁྱམས་ཕྱི་མའི་བར་
D453.082.0112b03.01དུ་ནི་དཀྱིལ་འཁོར་དྲུག་དང་། བར་ཆད་སྲུང་བར་བྱེད་པ་འབྱུང་པོ་ཀུན་འདུལ་དང་། ཡེ་ཤེས་ཀྱི་འཁོར་ལོ་བསྐོར་བའི་དཀྱིལ་འཁོར་རོ། །མཚམས་བཞིར་ནི་འཇིག་རྟེན་སྐྱོང་བ་བཞིའི་དཀྱིལ་འཁོར་ཏེ་བར་བར་དུ་ནི་སངས་རྒྱས་སྟོང་མངོན་པར་བྱང་ཆུབ་པའི་ཚུལ་
D453.082.0112b04.01བླ་ན་མེད་པ་འཐོབ་པའོ། །རིན་པོ་ཆེ་སྣ་ཚོགས་དུ་མའི་དྲ་བ་དང་དྲ་བ་ཕྱེད་པ་འཕྱང་བ། ཡེ་ཤེས་ལྔའི་རྩིག་པས་འཁོར་ཡུག་ཏུ་ཀུན་དུ་འཁོར་བ། སྒོ་བཞི་གློ་འབུར་དུ་སྣང་བ། ཕྱི་ནང་མེད་པར་གསལ་བ། སོ་སོའི་བྱེ་བྲག་གི་དཀྱིལ་འཁོར་ནི་རྒྱས་ཤིང་
D453.082.0112b05.01ཡངས་ལ་རྔ་མ་དང་མདའ་ཡབ་དག་གིས་མཛེས་པ། འདོད་པའི་ལྷ་མོ་རྣམས་ཀྱིས་ནི་བཀྲ་ཤིས་པའི་མཆོད་པ་དང་རོལ་མོ་སྣ་ཚོགས་ཀྱིས་ཁྱབ་པར་བྱེད་པར་ཀུན་དུ་རྒྱུ་ཞིང་གར་བྱེད་པས་མཆོད་པའོ། །{རི་དགས་,རི་དྭགས་}དང་། ཆོས་ཀྱི་འཁོར་ལོ་དང་། གདུགས་
D453.082.0112b06.01དང་། བ་དན་དག་བསྒྲེང་བས་མཚན་པ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ཡོངས་སུ་དག་པའི་བདག་ཉིད་དུ་སྣང་བ་སྟོན་པར་མཛད་དོ། །འོག་མིན་བདེ་བ་ཅན་གྱི་ཕོ་བྲང་དག་པའི་སྤྱོད་ཡུལ་དུ་གྱུར་པ་དེ་ཉིད་དུ་དཔལ་རྡོ་རྗེ་འཆང་ཆེན་པོས་དཀྱིལ་འཁོར་ཆེན་པོ་
D453.082.0112b07.01