完整藏文原文 · 德格版页 当前仅加载第 82 函德格 318a 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་རྩིས་ལུས་གང་ཞིང་། །ནོར་བུ་རིན་ཆེན་སྟེན་པར་མཉམ། །ཡོན་ཏན་མཐའ་ཡས་འབྱུང་བའི་གཞི། །བདེ་བ་རྡོ་རྗེ་ཅན་གྱི་གནས། །ཉོན་མོངས་ཡེ་ཤེས་གནས་གྱུར་པས། །མྱུར་དུ་བགྲོད་པའི་གོ་འཕང་གིས། །རོ་མཉམ་མི་མཉམ་འཕེལ་བ་ལས། །བདེ་
D453.082.0318a01.01བས་མ་ལུས་ས་གསུམ་པོ། །ཐམས་ཅད་ཚིམ་པར་བྱེད་པ་པོ། །གཉིས་མེད་ཡེ་ཤེས་རྒྱ་མཚོ་ལས། །འགྲོ་བའི་ནོར་བུ་སྟེར་བྱེད་པ། །དེད་དཔོན་ཆེན་པོ་འདིར་གནས་པ། །བླ་མའི་གཟུགས་སུ་གང་བྱུང་བ། །ང་ཉིད་ཐུགས་རྗེ་དེར་ཞུགས་པ། །མི་ཡི་གཟུགས་སུ་
D453.082.0318a02.01ཉེར་བསྟན་པའོ། །དེ་ནས་འདི་ནི་གསུངས་ཙམ་གྱིས། །མི་ཕྱེད་རྣལ་འབྱོར་སྒྲུབ་པ་པོ། །བྱང་ཆུབ་སེམས་དཔའ་ཐམས་ཅད་ཀུན། །རབ་ཏུ་དགའ་ཞིང་ཡི་རངས་ཏེ། །དགྱེས་པས་ཡོངས་སུ་ཁྱད་པར་འགྱུར། །དེ་ནི་གསང་བའི་ཆོས་ཅན་ཡིན། །རྡོ་རྗེའི་གདན་དུ་
D453.082.0318a03.01བཞུགས་ནས་ཀྱང་། །མཉམ་པའི་སྐྱིལ་ཀྲུང་ཚུལ་གནས་ནས། །ཉི་མ་སྣང་བ་མཆེད་པའི་ཆ། །གསལ་ལ་སྣང་བ་མཚན་མོའི་ཆ། །མཚམས་ལས་ཐོབ་པ་མུན་པར་བཅས། །དུག་གསུམ་རང་བཞིན་ཀུན་རྣམས་ལས། །ངེས་འབྱུང་བསྙེན་པས་རྩ་གནས་ལས། །ཟག་
D453.082.0318a04.01བཅས་འབྱུང་བ་ཟློག་པར་བྱེད། །བསྒྲུབ་པས་ཡི་གེ་གསང་བ་ལས། །ཐོས་པས་སྒྲ་རྣམས་དབྱངས་དབྱུང་ཉིད། །ཉེར་སྒྲུབ་ཤིན་ཏུ་མི་ཤིགས་པ། །ཁམས་ལས་བདུད་རྩི་དངས་པར་གྱུར། །སྲོད་དུས་མུན་པའི་སྨག་རུམ་དུ། །བདུད་བཅོམ་ལྷ་ཡི་བུ་ཡི་ཚོགས། །རྒོལ་བ་ངན་
D453.082.0318a05.01པ་ཟློག་གྱུར་ཅིང་། །དེ་ཉིད་ཀུན་དུ་བརྩམས་པའོ། །ཐོ་རངས་དུས་སུ་འདས་ཆ་ལས། །ཤིན་ཏུ་ཉེར་ཐོབ་རང་བྱུང་ལས། །བཅུ་དང་བརྒྱད་དུ་མཐར་སོན་ཚེ། །སྐྱ་རེངས་ངེས་པར་འཆར་དུས་སུ། །མངོན་པར་བྱང་ཆུབ་ལེགས་མཐོང་བ། །འདི་ནི་མཆོག་ཏུ་འབྱུང་བ་ཉིད། །
D453.082.0318a06.01གསང་བ་ཡང་དག་རྫོགས་སངས་རྒྱས། །བསྒོམ་པ་མཆོག་གིས་བསྒྲུབ་འགྱུར་པའོ། །འདི་ནི་ཐབས་དང་ཤེས་རབ་དག །གཉིས་མེད་ཡེ་ཤེས་སྙོམས་འཇུག་པས། །དེ་ཡི་ཆོས་ཀྱི་འབྱུང་གནས་སུ། །བདེ་ཆེན་སྒྱུ་མའི་རོལ་བ་ཡི། །ཀུན་དུ་དབང་བསྐུར་གྱུར་པར་ནི། །
D453.082.0318a07.01