完整藏文原文 · 德格版页 当前仅加载第 82 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་། །ཇི་སྲིད་པདྨའི་སེམས་ཅན་གྱི། །ལུས་ནི་ཤིན་ཏུ་ཕྲ་བ་སྟེ། །རྣམ་ཤེས་ལུས་བྱུང་སྒྱུ་མར་གནས། །རིགས་དང་ལྡན་པས་དུས་གསུམ་ཤེས། །སྟོབས་ལྡན་དེ་ལ་རྟོག་པ་ཡོད། །རང་ཉིད་སྒྱུ་མར་མ་ཤེས་པས། །དངོས་འཛིན་བདུད་ཀྱིས་
D453.082.0116a01.01གླགས་རྙེད་འགྱུར། །འདི་དག་རྒྱུན་ལས་བཟློག་པ་ན། །སྲིད་པ་ཉེ་བར་ལེན་མི་བྱེད། །སྐད་ཅིག་གསུམ་གྱིས་ཡེ་ཤེས་ཐོབ། །འཆི་མེད་བདེ་བའི་གནས་ཐོབ་སྟེ། །དག་པའི་སྐུས་ནི་འགྲོ་དོན་འབྱུང་། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་
D453.082.0116a02.01གསུང་དང་ཐུགས་ཀྱི་སྙིང་པོ་གསང་བ་གསང་བ་འདུས་པ་དཔལ་རྣལ་འབྱོར་ཆེན་པོའི་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་མཆོད་པ་དང་གསང་སྔགས་མངོན་པར་འབྱུང་བ་རྡོ་རྗེ་སྒྱུ་འཕྲུལ་སྟོན་པ་ཞེས་བྱ་བའི་ལེའུ་སྟེ་དགུ་པའོ།། །།དེ་ནས་བཅོམ་
D453.082.0116a03.01ལྡན་འདས་དེ་བཞིན་གཤེགས་པ་ཐམས་ཅད་བཅོམ་ལྡན་འདས་བྱང་ཆུབ་ཀྱི་སེམས་རྡོ་རྗེ་འཛིན་པ་ཆེན་པོའི་གསང་བ་ཆེན་པོའི་ཡེ་ཤེས་བླ་ན་མེད་པའི་ངང་ལས་རབ་ཏུ་དགྱེས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་
D453.082.0116a04.01ཐུགས་རྡོ་རྗེ་དེ་བཞིན་གཤེགས་པ་དེ་བཞིན་གཤེགས་པ་ཐམས་ཅད་ཀྱི་མངོན་པར་རྫོགས་པར་བྱང་ཆུབ་པའི་ཚུལ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །དངོས་པོ་མེད་པས་སྒོམ་པ་མེད། བསྒོམ་པར་
D453.082.0116a05.01བྱ་བ་བསྒོམ་བྱ་མིན། དེ་ལྟར་དངོས་པོ་དངོས་མེད་པས། སྒོམ་པ་དམིགས་པ་མེད་པའོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་དེ་བཞིན་གཤེགས་པ་ས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་
D453.082.0116a06.01པ་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་མངོན་པར་རྟོགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དངོས་པོ་ཐམས་ཅད་དང་བྲལ་བ། །ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་རྣམ་སྤངས་
D453.082.0116a07.01