完整藏文原文 · 德格版页 当前仅加载第 82 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
གསང་བ་ལྷན་ཅིག་སྐྱེས་པ་ཡི། །ཡེ་ཤེས་རྡོ་རྗེའི་ཏིང་ངེ་འཛིན། །རྟོགས་པའི་ཡེ་ཤེས་མཆོག་ཏུ་འགྱུར། །ཆོས་ཉིད་མི་ཟད་དབྱིངས་ཀྱི་དང་། །སྣང་སྟོང་ཐ་དད་མེད་པ་སྟེ། །རོ་གཅིག་འདུ་འབྲལ་མེད་པ་ཉིད། །སྟོང་དང་སྙིང་རྗེའི་ཏིང་ངེ་འཛིན། །ཆོས་རྣམས་ཐམས་ཅད་བདག་མེད་
D453.082.0144b01.01པས། །ཀུན་དུ་སྟོང་ཞིང་མ་བཅོས་པ། །ལྷུན་གྲུབ་རྡོ་རྗེའི་ངང་གནས་པ། །ཕྱག་རྒྱ་ཆེན་པོའི་ཏིང་ངེ་འཛིན། །རྣམ་པར་མི་རྟོག་ཡེ་ཤེས་ཀྱི། །འོད་ཆེན་རྣམ་པར་སྣང་བར་བྱེད། །འོད་གསལ་འབར་བ་རྡོ་རྗེ་ཡིས། །ཚེ་དཔག་མེད་པའི་ཏིང་ངེ་འཛིན། །སྣང་བའི་དངོས་པོ་སྣ་ཚོགས་པ། །
D453.082.0144b02.01སྒྱུ་མ་རྐྱེན་སྐྱེས་ཟིལ་གནོན་པ། །རྡོ་རྗེ་འོད་གསལ་ཏིང་ངེ་འཛིན། །དམིགས་པ་མེད་པའི་སྙིང་རྗེ་ཅན། །ཞེས་གསུངས་སོ། །དེ་ནས་དེ་བཞིན་གཤེགས་པའི་ཚོགས་དེ་དག་དང་། བྱང་ཆུབ་སེམས་དཔའ་དེ་དག་རབ་ཏུ་དགའ་བས་ཁྱབ་ཅིང་དགྱེས་པ་ཆེན་པོ་ཡོངས་སུ་སྤྱོད་པར་འགྱུར་
D453.082.0144b03.01རོ། །དེ་ནས་གསང་བ་གསུམ་གྱི་དངོས། །རྡོ་རྗེ་འཛིན་པས་འདི་གསུངས་སོ། །དཀའ་ཐུབ་སྡོམ་པ་མི་ཟད་པས། །ལུས་སྐམས་གྱུར་ཅིང་སྡུག་བསྔལ་གྱུར། །སྡུག་བསྔལ་གྱི་ནི་སེམས་བྱིངས་ཏེ། །དེ་ལ་དངོས་གྲུབ་གཞན་དུ་གྱུར། །བརྗོད་པ་ཐམས་ཅད་ཡི་གེ་སྟེ། །ཀུན་
D453.082.0144b04.01གྱི་རྩ་བ་ཨ་ལས་བྱུང་། །དེ་ལས་ཆོས་ཀྱི་ཕུང་པོ་ནི། །བརྒྱད་ཁྲི་བཞི་སྟོང་དག་ཏུ་སྣང་། །དབྱངས་དང་གསལ་བྱེད་ངག་ཡིན་ཏེ། །ངག་ནི་རླུང་གི་རྩ་བ་ཅན། །སྒྲར་སྣང་ཙམ་ཉིད་ཀུན་རྫོབ་སྟེ། །ཐིམ་པ་དོན་དམ་བརྗོད་པའོ། །ཡང་གནས་འདི་ལ་སངས་རྒྱས་ཀུན་གྱི་རང་བཞིན་ནི་
D453.082.0144b05.01འདོད་པའི་ཡོན་ཏན་ལྔའི་ཡུལ་ལ་རང་གི་བསོད་ནམས་དང་ཡེ་ཤེས་གཉིས་སུ་མེད་པར་སྤྱད་པ་སྤྱོད་པར་བྱེད་དེ། རང་རིག་པའི་ཡེ་ཤེས་སྒྱུ་མ་དང་མཚུངས་པས་སྤྱད་པ་སྤྱོད་པར་བྱེད་དོ། །འདི་ལྟར་ཆོས་རྣམས་ཐམས་ཅད་གཟུགས་བརྙན་དང་། སྤྲུལ་པ་དང་། སྒྲ་བརྙན་དང་། བྲག་
D453.082.0144b06.01ཅ་དང་། དྲི་ཟའི་གྲོང་ཁྱེར་དང་། ཆུ་ཟླ་དང་། སྨིག་རྒྱུ་དང་། རྨི་ལམ་དང་། དབང་པོའི་གཞུ་དང་། སྤྲིན་དང་། མིག་ཡོར་དང་། གློག་དང་། ཆུའི་ཆུ་བུར་དང་། སྒྱུ་མའི་རྣམ་པར་བལྟ་སྟེ། དེ་ལྟ་ན་ཡང་དོན་དམ་པ་ནི་རྣམ་པར་དམིགས་སུ་མེད་དོ། །ཆོས་ཐམས་ཅད་
D453.082.0144b07.01