完整藏文原文 · 德格版页 当前仅加载第 82 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
བ་གསང་ཆེན་དཀྱིལ་འཁོར་བྲི། །དེ་ལྟར་ལན་གསུམ་བརྗོད་པ་ཡིས། །དེར་ནི་ཐིམ་པར་རྣམ་པར་བསམ། །དེ་ནས་དཀྱིལ་འཁོར་དེ་ཉིད་ཀྱི། །ཀུན་དུ་བདུད་རྩི་ལྔ་དང་ནི། །མ་ད་ནཾ་གིས་ལེགས་པར་བྱུག །རྡོ་རྗེས་དྲི་ཡི་ཐིག་ལེ་བྱ། །ལྷ་གནས་{གོ་རིམས་,གོ་རིམ་}ཤེས་
D453.082.0280b01.01པར་བྱ། །མེ་ཏོག་སིལ་མས་གཏོར་བར་བྱ། །བསྐྱེད་ཅིང་བསྟིམ་དང་བཞུགས་པ་ལ། །སྤྱན་དྲང་དབང་བསྐུར་མཆོད་པ་དང་། །བསྟོད་པ་ལ་སོགས་སྔོན་འགྲོ་བྱ། །ལྷ་ལ་གསོལ་བ་གདབ་པར་བྱ། །གནང་བ་བྱིན་ནས་བཞུགས་སུ་གསོལ། །རྡོ་རྗེ་བུམ་པའི་
D453.082.0280b02.01མཚན་ཉིད་ལྡན། །ཁྱད་པར་ལྡན་པ་རྩ་བ་ཡི། །ལྷ་གྲངས་དག་དང་མཉམ་པའམ། །ཡང་ན་ཉི་ཤུ་རྩ་ལྔའི་བར། །ལས་བུམ་དང་ནི་བཀྲ་ཤིས་པའི། །བུམ་པ་དག་དང་ལྡན་པ་སྟེ། །འདི་དག་ཁ་རྒྱན་མགུལ་ཆིངས་ཅན། །སྙིང་པོ་ལྔ་དང་སྨན་ལྔ་དང་། །འབྲུ་ལྔ་སྤོས་
D453.082.0280b03.01ལྔ་རིན་ཆེན་ལྔ། །ཆུ་ཀླུང་ཆུ་བཅས་ཁྱད་པར་ཏེ། །ཐ་དད་པ་དང་གཅིག་པ་ཡི། །ཏིང་ངེ་འཛིན་གྱིས་སྟ་གོན་བྱ། །ཁྱད་པར་བར་ཆད་བསྲུང་དོན་དུ། །བསྲུང་བའི་ཕུར་བུ་ཁྲ་བོར་བསྐྱེད། །མཆོད་བསྟོད་གཉིས་མེད་ལྡན་བྱས་ལ། །གཏོར་མ་ལྡན་པས་བཀའ་བསྒོ་བྱ། །
D453.082.0280b04.01དེ་ནས་སློབ་མ་འཇུག་པའི་རིམ། །སྤྲོ་བ་བསྐྱེད་དང་གནང་བ་སྦྱིན། །སྡོམ་པ་དབོག་དང་བསྲུང་བ་གདགས། །སོ་ཤིང་དོར་བར་བྱ་བ་དང་། །དེ་ལྟས་ལུང་བསྟན་ཀུ་ཤ་ལས། །སྔས་དང་སྟན་སྦྱིན་གཟེངས་བསྟོད་ནས། །རྨི་ལམ་གདབ་ཕྱིར་ཉལ་དུ་གཞུག །སློབ་མས་
D453.082.0280b05.01མཎྜལ་མེ་ཏོག་བྱས། །ཁྲུས་བྱས་ཕྱག་འཚལ་མདུན་གནས་ལ། །ཁྱད་པར་སྤྲོ་བསྐྱེད་རྗེས་འཇུག་བྱ། །རིགས་ཀྱི་སྡོམ་པ་སྦྱིན་པར་བྱ། །བླང་བ་བྱེ་བྲག་ཤེས་པར་བྱ། །རང་གི་ལུས་ཚད་མཉམ་པ་ཡི། །སུམ་སྒྲིལ་སྲད་བུ་བཙོས་པ་ཡིས། །གསང་སྔགས་བརྗོད་ཅིང་བཅིང་
D453.082.0280b06.01བར་བྱ། །སོ་ཤིང་ཚད་ལྡན་གཏད་བྱས་པ། །ལྷོ་ཕྱོགས་ངོགས་སུ་མཎྜལ་ལ། །ལྷུང་བའི་རྗེས་སུ་བརྟག་པར་བྱ། །རྩྭ་མཆོག་བྱིན་པ་མི་སྨྲ་བར། །སེང་གེའི་སྟབས་ཀྱིས་ཉལ་བར་བྱ། །ནུབ་མོའི་རྨི་ལམ་ཅི་བྱུང་བ། །ཅི་བྱུང་ནང་པར་སྨྲ་བར་གྱིས། །ཁྱད་པར་གཟེངས་བསྟོད་
D453.082.0280b07.01