完整藏文原文 · 德格版页 当前仅加载第 82 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
སྤུའི་བུ་ག་ལས་ཀྱང་འོད་ཟེར་བྱེ་བ་ཕྲག་དུ་མ་བྱུང་སྟེ། དེ་རེ་རེ་ལས་ཀྱང་སྤྲུལ་པའི་སྐུ་དཔག་ཏུ་མེད་པ་འཕྲོས་ཏེ་འཇིག་རྟེན་གྱི་ཁམས་ཐམས་ཅད་དུ་སྣང་བ་ཆེན་པོས་ཁྱབ་པར་བྱས་ཤིང་མཛད་པ་མཐའ་ཡས་པའི་རོལ་པ་མངོན་པར་འབྱུང་བར་མཛད་དོ། །ཐམས་ཅད་ཀྱང་བླ་ན་
D453.082.0282b01.01མེད་པའི་ཐེག་པ་ལ་འཛུད་པར་མཛད་དེ། མཆོག་ཏུ་སྐྱབས་སུ་འགྲོ་བ་སྟོན་ཅིང་འཇིག་རྟེན་པའི་ལྟ་བ་ལ་མངོན་པར་ཞེན་པ་དག་ལ་ནི་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་ལ་སོགས་པའི་གཟུགས་ཀྱིས་མངོན་པར་དབང་སྐུར་བར་བྱེད་དོ། །ཉན་ཐོས་ཀྱི་ཐེག་པ་
D453.082.0282b02.01ལ་མོས་པ་རྣམས་ལ་ནི་ཆོས་ཐམས་ཅད་བདེན་པ་བཞིའི་སྒོ་ནས་དབང་སྐུར་བར་བྱེད་དོ། །རང་རྒྱལ་བའི་ཐེག་པ་ལ་མོས་པ་རྣམས་ལ་ནི་རྟེན་ཅིང་འབྲེལ་བ་བཅུ་གཉིས་ཀྱི་སྒོ་ནས་དབང་སྐུར་བར་བྱེད་དོ། །དེ་དག་གི་ལམ་དང་ལྟ་བ་དང་སྤྱོད་པ་ཡང་དག་པར་བསྟན་ཅིང་དེ་དག་གི་ཚུལ་གྱིས་
D453.082.0282b03.01འདུལ་བར་བྱེད་དོ། །གང་དུ་བྱང་ཆུབ་སེམས་དཔའི་ཐེག་པ་ལ་མོས་པ་རྣམས་ལ་ནི་བྱང་ཆུབ་ཏུ་སེམས་བསྐྱེད་ཅིང་དེ་ཉིད་ཀྱིས་ཕ་རོལ་ཏུ་ཕྱིན་པ་དྲུག་ལ་སྤྱོད་དེ། སྦྱིན་པ་ཆེན་པོ་གཏོང་བའི་སྒོ་ནས་དབང་སྐུར་བར་བྱེད་དོ། །ཚུལ་ཁྲིམས་ཡོངས་སུ་མི་ཉམས་པའི་སྒོ་ནས་དབང་སྐུར་བར་བྱེད་
D453.082.0282b04.01དོ། །བཟོད་པ་ལ་གནས་པའི་སྒོ་ནས་དབང་སྐུར་བར་བྱེད་དོ། །བརྩོན་འགྲུས་རྒྱུན་མི་འཆད་པའི་སྒོ་ནས་དབང་སྐུར་བར་བྱེད་དོ། །བསམ་གཏན་གྱི་ཏིང་ངེ་འཛིན་ལ་མཉམ་པར་བཞག་པའི་སྒོ་ནས་དབང་སྐུར་བར་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པས་ཆོས་ཐམས་ཅད་
D453.082.0282b05.01ཀྱི་ངོ་བོ་ཉིད་ཤེས་པས་དབང་སྐུར་བར་བྱེད་དོ། །དེ་དག་ཀྱང་ཚད་མེད་གྲངས་མེད་པའི་ནམ་མཁའི་ཁམས་ལ་གནས་པའི་སེམས་ཅན་ཐམས་ཅད་ལ་དེ་བཞིན་གཤེགས་པས་བྱང་ཆུབ་སེམས་དཔའ་རྣམས་ཀྱིས་ཆོས་སྟོན་ཅིང་དབང་སྐུར་བར་བྱེད་པའོ། །བྱང་ཆུབ་སེམས་དཔའ་སེམས་
D453.082.0282b06.01དཔའ་ཆེན་པོ་རྣམས་ལ་ནི་ཚད་མེད་པ་བཞིའི་སྒོ་ནས་ཆོས་སྟོན་ཅིང་དམིགས་པ་ཐམས་ཅད་དང་བྲལ་བའི་ཚུལ་གྱིས་ཆོས་ཐམས་ཅད་ལ་དོན་དམ་པའི་བདེན་པ་རྣམ་པར་དག་པའི་ཚུལ་གྱིས་དབང་སྐུར་བར་བྱེད་དོ། །ཆོས་ཐམས་ཅད་ལ་མི་གནས་པའི་ཀུན་རྫོབ་ཀྱི་བདེན་པ་རྣམ་པར་དག་པའི་ཚུལ་
D453.082.0282b07.01