完整藏文原文 · 德格版页 当前仅加载第 82 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་སོ། །འབྱུང་བ་བཞི་དག་ནམ་མཁར་ནས། །དེ་ཉིད་གང་ལའང་མི་གནས་ཏེ། །སེམས་ཅན་སངས་རྒྱས་ལ་བརྟེན་པ། །སངས་རྒྱས་མི་གནས་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པའི་ཚུགས་པ་ཐུབ་པ་ཆེན་པོ་སངས་རྒྱས་
D453.082.0185b01.01ཐམས་ཅད་ཀྱི་རྔ་སྒྲའི་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱིས་སེམས་འདི་གསུངས་སོ། །གཟོད་ནས་མ་སྐྱེས་དག་པ་ཉིད། །སྲིད་ཞི་མཉམ་ཉིད་རྫོགས་སངས་རྒྱས། །འགྲོ་འོང་རྣམ་བྲལ་ཚུལ་ཐོབ་པ། །བྱང་ཆུབ་ཚུལ་འདི་བསྟན་པའོ། །ཞེས་
D453.082.0185b02.01གསུངས་སོ། །དེ་ནས་དེ་བཞིན་གཤེགས་པ་བསྙེངས་མེད་སངས་རྒྱས་ཐམས་ཅད་ཀྱི་དཔགས་བསམ་གྱི་ཤིང་ལྟ་བུར་བསྐྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པ་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །གང་དུ་ས་བོན་མྱུ་གུ་དང་། །སྡོང་བུ་འདབ་མ་འབྲས་བུའི་
D453.082.0185b03.01བར། །ཚུལ་བརྒྱད་འགྱུར་བའི་བྱེ་བྲག་གིས། །རྟེན་འབྲེལ་དེ་ཉིད་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཉི་མའི་འོད་སངས་རྒྱས་ཐམས་ཅད་ཀྱི་ལྗོན་པའི་ཤིང་ཆེན་པོ་ལྟར་རྒྱས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་
D453.082.0185b04.01སེམས་འདི་གསུངས་སོ། །འགྲོ་སྙིང་རྣམ་རྟོག་ཞེས་བྱ་གང་། །རང་རིག་བྱང་ཆུབ་སྙིང་པོའི་གནས། །དེ་ལས་ཡོན་ཏན་བརྗོད་མི་ལང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚངས་པར་གཤེགས་པ་སངས་རྒྱས་ཐམས་ཅད་ཀྱི་
D453.082.0185b05.01ལྷའི་སིལ་སྙན་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །མི་རྟག་བདག་མེད་ཞི་བ་ཡིས། །འདུ་ཤེས་སེམས་པ་སྔོན་རྒྱུ་ལས། །བག་ཆགས་སྤངས་པས་གནས་ཐོབ་གྱུར། །དེ་ཉིད་ཚུལ་འདི་བསྟན་པའོ། །
D453.082.0185b06.01ཞེས་གསུངས་སོ། །དེ་ནས་དེ་བཞིན་གཤེགས་པ་ལྷའི་མཐུ་རྩལ་སངས་རྒྱས་ཐམས་ཅད་ཀྱི་སྒྲ་བུང་བ་ལྟ་བུར་ལྡིང་བའི་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །རྣམ་པར་རིག་བྱེད་ལས་འདས་ཤིང་། །དེ་སྤངས་
D453.082.0185b07.01