完整藏文原文 · 德格版页 当前仅加载第 82 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བཞི་བརྩེ་བ་ཅན། །བྱང་ཆུབ་སེམས་ཀྱི་སྙིང་པོ་ཉིད། །དྲི་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་གཙུག་{རིངས་,རིང་}སངས་རྒྱས་ཐམས་ཅད་ཀྱི་སྙིང་པོ་མིག་འཕྲུལ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་
D453.082.0138b01.01ཀྱི་སེམས་འདི་གསུངས་སོ། །ཐམས་ཅད་ཡེ་ཤེས་སྣང་བའི་དངོས། །སེམས་ཅན་རྟོག་པ་ཡུལ་མེད་ཕྱིར། །གཉིས་སྣང་མ་ལུས་བཅོམ་ནས་ནི། །གཉིས་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་གྲགས་པ་སངས་
D453.082.0138b02.01རྒྱས་ཐམས་ཅད་ཀྱི་ཡེ་ཤེས་དབྱིངས་སུ་གཅིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྣོད་བཅུད་མ་ལུས་རིན་ཆེན་གཞི། །ལྷ་མིའི་སྣང་བ་སྟོན་པ་ཆེ། །ཐུབ་པ་འགྲོ་བའི་དོན་སྤྱོད་པའི། །ཡེ་ཤེས་ཚུལ་འདི་
D453.082.0138b03.01བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་ཉི་ཟླའི་སྙིང་པོས་སངས་རྒྱས་ཐམས་ཅད་ཀྱི་ཡེ་ཤེས་འཕོ་བ་མེད་པར་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ལུས་ལ་འཕོ་བའི་ཡེ་ཤེས་
D453.082.0138b04.01གང་། །རྣམ་པར་ཤེས་པའི་གཟུགས་བརྟེན་ནས། །གཅིག་པུ་མི་འགྱུར་དངོས་མེད་སེམས། །རྡོ་རྗེའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་ཉི་མའི་འོད་ལྡན་སངས་རྒྱས་ཐམས་ཅད་ཀྱི་དཀྱིལ་འཁོར་བཀོད་པ་ཞེས་བྱ་བའི་ཏིང་
D453.082.0138b05.01ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །དང་པོའི་ལུས་ནི་ལྷ་ཡི་དངོས། །ལུས་དབེན་སྣང་བ་རྟེན་འབྲེལ་ཏེ། །སེམས་ཉིད་ཡེ་ཤེས་སྟོང་ཉིད་དེ། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་ཡང་བཅོམ་
D453.082.0138b06.01ལྡན་འདས་སྐར་མཁན་སངས་རྒྱས་ཐམས་ཅད་ཀྱི་རྡོ་རྗེའི་སྣང་བ་བཀོད་པ། ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །འདི་ནི་ཀུན་རྟོག་ཡེ་ཤེས་ཆེ། །བདེ་བ་ཆོས་ཀྱི་དབྱིངས་ཉིད་ལས། །ཟུག་རྔུ་བྲལ་བ་བྱང་
D453.082.0138b07.01