完整藏文原文 · 德格版页 当前仅加载第 82 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་བྱང་ཆུབ་ཚུལ་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་བརྩོན་འགྲུས་བསྟན་པ་སངས་རྒྱས་ཀྱི་ཡེ་ཤེས་ལ་སྤྱོད་པ་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0140a01.01སོ། །སངས་རྒྱས་གསང་བ་གཉིས་པོ་ནི། །ཕྱོགས་བཅུའི་ཞིང་ཁམས་རང་ལ་གནས། །ངང་ཉིད་རྟོག་མེད་ཡེ་ཤེས་སྐུ། །འདི་ནི་བྱང་ཆུབ་ཚུལ་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་གྲགས་པ་རྫོགས་པས་སངས་རྒྱས་ཐམས་ཅད་ཀྱི་གདུལ་བྱའི་སྣང་བ་
D453.082.0140a02.01ངེས་པར་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ལུས་མེད་དབང་པོའི་ཕུག་གནས་ཤིང་། །རིང་དུ་འགྲོ་ཞིང་གཅིག་པུར་རྒྱུ། །གདུལ་བར་དཀའ་བའི་སེམས་འདུལ་བྱེད། །འདི་ནི་བྱང་ཆུབ་ཚུལ་བསྟན་པའོ། །ཞེས་གསུངས་
D453.082.0140a03.01སོ། །དེ་ནས་བཅོམ་ལྡན་འདས་བསྙེམས་པ་དང་བྲལ་བས་འདུལ་བ་སྣ་ཚོགས་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བློ་ལྡན་ས་གསུམ་འགྲུབ་པའི་གཞི། །ཡོན་ཏན་འབྱུང་གནས་རིན་ཆེན་སེམས། །བསམ་པའི་དགོས་འདོད་སྐོང་
D453.082.0140a04.01བྱེད་ལ། །ཁྱད་པར་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་མཆོད་འོས་ལྷས་སངས་རྒྱས་ཐམས་ཅད་ཀྱི་རྗེས་སུ་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཁྱབ་བདག་དཔལ་ལྡན་རྡོ་རྗེའི་
D453.082.0140a05.01སྐུ། །འདི་ཉིད་ལུས་ནི་དྲི་མ་མེད། །ཆོས་ཅན་མ་གྲུབ་རང་སར་དག །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་མ་སྒྲོལ་མ་ཆེན་པོ་ཞེས་བྱ་བས་སངས་རྒྱས་ཐམས་ཅད་ཀྱི་རྣམ་པར་མི་གཡོ་བའི་བཀོད་པ་ཞེས་བྱ་བའི་ཏིང་ངེ་འཛིན་ལ་
D453.082.0140a06.01སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཕུང་པོ་ལ་སོགས་དངོས་མེད་པ། །གང་ཟག་བདག་མེད་སྟོང་པ་ཉིད། །ཆོས་ལ་དམིགས་པ་རྟོག་པ་བྲལ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་
D453.082.0140a07.01