完整藏文原文 · 德格版页 当前仅加载第 82 函德格 323b 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་སྙིང་པོ་བླ་ན་མེད་པའི་དངོས་གྲུབ་ཇི་ལྟར་ཡང་དག་པར་འདུག །གང་ན་གནས། དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཛིན་པས་
D453.082.0323b01.01བཀའ་སྩལ་པ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐམས་ཅད་མཁྱེན་པ་དང་། ཁམས་གསུམ་ཇི་སྙེད་པ་དག་རང་གི་སྐུ་དང་གསུང་དང་ཐུགས་ཀྱི་རྒྱུད་རྡོ་རྗེ་ལ་གནས་སོ་ཞེས་གསུངས་པ་དང་། དེ་བཞིན་གཤེགས་པ་ཐམས་ཅད་ཀྱིས་
D453.082.0323b02.01སླར་གསོལ་བ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་དངོས་གྲུབ་དང་། ཁམས་གསུམ་ཐམས་ཅད་དང་། ཐམས་ཅད་མཁྱེན་པ་དང་། རང་གི་སྐུ་དང་། གསུང་དང་། ཐུགས་རྡོ་རྗེའི་སྙིང་པོ་གང་དུ་གནས།
D453.082.0323b03.01དེ་བཞིན་གཤེགས་པ་ཐམས་ཅད་ཀྱི་བདག་པོ་ཡེ་ཤེས་རྡོ་རྗེའི་སྙིང་པོས་བཀའ་སྩལ་པ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དངོས་གྲུབ་ཐམས་ཅད་དང་། ཐམས་ཅད་མཁྱེན་པ་དང་། ཁམས་གསུམ་པ་ཐམས་ཅད་རང་གི་སྐུ་དང་
D453.082.0323b04.01གསུང་དང་ཐུགས་རྡོ་རྗེ་གསང་བ་སེམས་ཀྱི་རྒྱུད་སྙིང་པོ་ཡེ་ཤེས་ནི་ནམ་མཁའ་ལ་གནས་པའོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་གསོལ་བ། ནམ་མཁའ་གང་ན་གནས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེས་
D453.082.0323b05.01གསུངས་པ། གང་ནའང་གནས་པ་མ་ཡིན་ནོ། །དེ་ནས་གཞན་ཡང་དངོས་གྲུབ་ཐོབ་པའི་གནས་དེ་བཞིན་གཤེགས་པ་ཐམས་ཅད་ཀྱི་བདག་པོས་བཀའ་སྩལ་པ། དེ་ལ་གསང་བ་ཆེན་པོའི་དངོས་གྲུབ་ཐམས་ཅད་ཐོབ་པར་བྱ་བའི་ཕྱིར་དངོས་གྲུབ་ཐ་མལ་པ་
D453.082.0323b06.01གང་ཅི་ཡང་རུང་བ་ལ་འཚོལ་ཞིང་བསྟེན་པར་མི་བྱའོ། །དེ་ཅིའི་ཕྱིར་ཞེ་ན། འདི་ལྟ་སྟེ། འཇིག་རྟེན་པ་ལ་སོགས་པ་དག་གི་དངོས་གྲུབ་དང་། མངག་གཞུག་པ་དོན་དུ་གཉེར་བའི་དངོས་གྲུབ་དང་། བུམ་པ་བཟང་པོའི་དངོས་གྲུབ་དང་། ས་འོག་གི་དངོས་གྲུབ་
D453.082.0323b07.01