完整藏文原文 · 德格版页 当前仅加载第 82 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་གྱུར་རྟོག་པ་འབྱུང་། །དེ་ཡི་རྩ་བ་ཐིག་ལེར་བཅས། །སུམ་ཅུ་གསུམ་དུ་གྱུར་པ་ཡིན། །ཀཱ་ལི་སུམ་ཅུ་རྩ་བཞི་དང་། །ཡ་ར་ལ་ཝ་དདྷ་སྟེ། །བཞི་བཅུ་མངོན་པར་གནས་པས་ན། །འདོད་ཆགས་རྟོག་པ་དེ་སྙེད་ཡིན། །ཟུང་གྱུར་དྲུག་ལྡན་ཐིག་ལེར་བཅས། །མཚན་
D453.082.0178b01.01མ་བདུན་གྱིས་མཚོན་པའི་ཕྱིར། །དབུས་མ་ལ་བརྟེན་གཏི་མུག་པའི། །རང་བཞིན་མི་རིག་གྱུར་པའོ། །སྔ་མ་གཡས་རྩ་ལ་བརྟེན་པ། །སྐྱེས་པ་རྡོ་རྗེར་བཅས་གྱུར་བརྗོད། །གོང་དུ་གཡོན་རྩ་ལས་འབྱུང་བ། །བུད་མེད་པདྨའི་མཚན་མས་བརྗོད། །རྩ་ཡི་བྱེད་
D453.082.0178b02.01བ་མི་འདྲ་སྟེ། །ཁམས་དང་རྣམ་ཤེས་འདུ་བ་ཡི། །རྟེན་དུ་གྱུར་ཕྱིར་རྩ་ཡིན་ཏེ། །རྣམ་པར་བཟློག་ན་གཉིས་སུ་འགྱུར། །ཐིག་ལེ་འཕོ་འགྱུར་ཕྱི་རོལ་བཞིན། །ཟླ་བ་ལུས་ལ་འཕོ་བ་སྟེ། །ཚེས་གཅིག་ལ་སོགས་རྐང་གཡོན་ནས། །མཐེ་བོ་སོགས་འཕེལ་
D453.082.0178b03.01སྤྱི་བོར་གནས། །དེ་ནས་གཡས་ཀྱི་ཆ་ལ་ནི། །ཟླ་བ་རིམ་གྱིས་འགྲིབ་པར་འགྱུར། །འཕེལ་དང་འགྲིབ་པའི་ཁྱད་པར་གྱིས། །{བཅྭ་,བཅོ་}ལྔ་བྱང་ཆུབ་སེམས་སྐྱེད་བྱེད། །དཀར་ཕྱོགས་ནག་པོ་རི་མ་ཤེས་བྱ། །སྤྱོད་པའི་ཚུལ་ནི་དེ་བདེར་སྤྱད། །གནམ་སྟོད་ཉི་མ་གསང་
D453.082.0178b04.01བར་ཏེ། །ཟླ་བ་ཉ་གང་ཚེས་གཅིག་རྒྱས། །ཁྱད་པར་སྒྲ་གཅན་རིམ་ཤེས་བྱ། །བླ་ན་མེད་པ་རགས་པ་དང་ཕྲ་བའི་གནས་འཇུག་ལྡོག་བསྟན་པ་ཞེས་བྱ་བའི་ཏིང་ངེ་འཛིན་ཏོ། །དེ་ནས་གསང་བ་རབ་ཏུ་འཛིན་པ་པོས། །ཁྱད་པར་སེམས་གསུམ་རིམ་པ་བཀའ་
D453.082.0178b05.01སྩལ་ཏེ། །སྣང་བ་ཞེས་བྱ་རྣམ་པར་མི་རྟོག་པ། །གསལ་བའི་ཆ་སྟེ་གཟུང་རྟོག་སྤངས་པ་ལས། །འབྱུང་བ་མི་མངོན་རླུང་དང་བཅས་པ་གང་། །ལྷང་ངེར་གནས་པ་སྐད་ཅིག་དང་པོ་ཡིན། །མཆེད་པའི་སྣང་བ་རབ་ཏུ་མི་རྟོག་སྟེ། །ཆེས་གསལ་བ་ལས་
D453.082.0178b06.01འཛིན་རྟོག་མ་ཞུགས་པ། །ཡེ་ཤེས་ཕྲ་བ་རླུང་ལྡན་མི་སྣང་བ། །ལྷན་ནེ་གནས་པ་སྐད་ཅིག་གཉིས་པ་ཡིན། །ཐོབ་པའི་ཆ་ནི་ཤིན་ཏུ་མི་རྟོག་པ། །གསལ་བ་ཙམ་དུ་འང་མི་གནས་ཤིན་ཏུ་ཕྲ། །རླུང་སེམས་མི་ཕྱེད་གསལ་བར་འཆར་བ་མིན། །ལྷམ་མེ་
D453.082.0178b07.01