完整藏文原文 · 德格版页 当前仅加载第 82 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས་པ་ལ། །རྡོ་རྗེ་དཔལ་མཆོག་ཆེན་པོ་ཡི། །སངས་རྒྱས་བྱང་ཆུབ་སེམས་དཔའ་ཆེ། །མ་ལུས་ཀུན་གྱིས་བཀུར་བར་མཛད། །འདིར་ནི་སངས་རྒྱས་ཐམས་ཅད་ཀྱི། །གསང་བའི་གནས་ནི་དག་པ་ཉིད། །གསུངས་ཤིང་གསུངས་ཤིག་ཚུལ་ཆེན་པོ། །ཡིད་
D453.082.0310a01.01དང་ཡེ་ཤེས་སྤྱོད་པ་ལས། །དམ་ཚིག་མཆོག་འདི་བསྟན་དུ་གསོལ། །དེ་ཉིད་ཉེ་བར་དགོངས་གྱུར་ནས། །གསུང་ནི་འདི་སྐད་བཀའ་སྩལ་ཏོ། །གསང་བའི་ཚུལ་ནི་རྒྱ་མཚོ་ལྟར། །ཟབ་ཅིང་རྒྱ་ཆེ་ཚུལ་བསྟན་ཏེ། །སྔགས་ཀྱི་སྤྱོད་པ་ཚད་མེད་ཅིང་། སངས་རྒྱས་ཡེ་ཤེས་
D453.082.0310a02.01བསམ་མི་ཁྱབ། །རིགས་ཀྱི་ཕྱི་རོལ་ཕྱག་རྒྱ་ཆེ། །འདི་ལས་གཞན་དུ་མ་རྟོག་ཅིག །རིགས་ཀྱི་བུ་རྣམས་མདོར་བསྡུ་ན། །འདི་ལྟར་སྔགས་ཀྱི་སྤྱོད་པ་ནི། །བཙུན་མོའི་འཁོར་གྱི་ནང་དག་ཏུ། འདོད་ཡོན་མངོན་པར་རོལ་གྱུར་ཀྱང་། །ཟག་མེད་བདེ་བ་ཆེན་པོ་ཡི། །ཡེ་ཤེས་ཀུན་དུ་
D453.082.0310a03.01སྤྱོད་པས་ན། །དེ་བཞིན་གཤེགས་པའི་སྤྱོད་པ་ཡིན། །དཔའ་རླབས་མེད་པའི་རང་བཞིནགྱིས། །རྟོག་མེད་ལྷན་ཅིག་སྐྱེས་པར་འཆར། །རིགས་ཀྱི་བུ་དག་འདི་ལྟ་སྟེ། །དཔེར་ན་ནམ་མཁའི་ཁམས་འདི་ནི། །ཀུན་གྱི་རྗེས་སུ་སོང་བསྟེ། །ཆོས་རྣམས་མ་ལུས་དཀྱིལ་འཁོར་དག །
D453.082.0310a04.01ནམ་མཁའི་ཁོངས་སུ་གཏོགས་པའོ། །དེ་བཞིན་ཆོས་རྣམས་མ་ལུས་པ། །དེ་དག་ངོ་བོ་ཉིད་དག་པས། །ཁམས་གསུམ་ཀུན་དུ་མི་གནས་ཤིང་། །འབྱུང་བ་བཞི་ལ་གནས་མི་བྱེད། །གང་དུ་འགྲོ་འོང་རྣམ་བྲལ་བའོ། །རིགས་ཀྱི་བུ་དེ་དེས་བསྟེན་ན། །ངོ་བོ་ཉིད་ཀྱི་དག་པ་ཡི། །
D453.082.0310a05.01ཆོས་རྣམས་དེ་ལྟར་རྗེས་རིག་བྱ། །དེ་བཞིན་གཤེགས་པ་ཐམས་ཅད་ཀྱི། །དོན་གྱི་དབང་ནི་བླ་ན་མེད། །འདི་ལྟར་མཁྱེན་པས་འཆང་མཛད་པའོ། །རིགས་ཀྱི་བུ་རྣམས་དེ་ལྟར་ན། ནམ་མཁའི་ཚིག་ལྟར་ངེས་བརྗོད་པས། །དེ་བཞིན་གཤེགས་པ་ཚིག་དག་ཀྱང་། །དེ་དག་དེ་ལྟར་རྗེས་རིག་
D453.082.0310a06.01བྱ། །འདི་ནི་གསང་བའི་གནས་ཡིན་ནོ། །ཆོས་ཅན་གཅིག་ལ་རྟོག་པ་ནི། །རྣམ་པ་སྣ་ཚོགས་སྣང་བ་ཡིན། །བདེ་སྡུག་འགྲོ་བར་འབྱུང་བ་རྣམས། །ལས་ཀྱི་ཁྱད་པར་གོམས་པའི་ཕྱིར། །དེ་ཕྱིར་དགེ་དང་མི་དགེའི་ལས། །ལུས་ལ་སོགས་པའི་རྣམ་རྟོག་བྱུང་། །རྟོག་པ་
D453.082.0310a07.01