完整藏文原文 · 德格版页 当前仅加载第 82 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྒྱུ། །རྟེན་འབྲེལ་ཚོགས་ཕྱིར་ཐོབ་པ་ཉིད། །ཡེ་ཤེས་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མཐུ་སྟོབས་དཔལ་སངས་རྒྱས་ཐམས་ཅད་ཀྱི་གསང་བའི་རྒྱལ་པོ་རྡོ་རྗེ་སངས་རྒྱས་ཐམས་ཅད་ཀྱི་མཉེས་པར་བྱེད་པའི་ཏིང་ངེ་འཛིན་ལ་
D453.082.0171b01.01སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །འདོད་པའི་ལོངས་སྤྱོད་སྣ་ཚོགས་པ། །རིན་ཆེན་བདུན་དང་ཉེ་བདུན་གྱིས། །བརྒྱན་ཞིང་མཆོད་པས་བདེ་དེ་ཐོབ། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་
D453.082.0171b02.01མཐུ་ཆེན་པོ་སངས་རྒྱས་ཐམས་ཅད་ཀྱི་འབྱུང་གནས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལུས་ཀྱང་སེམས་ལ་མི་གནས་ཏེ། །སེམས་ཀྱང་ངག་ལ་མི་གནས་ཏེ། །ཀུན་དུ་གནས་མེད་མཁའ་ལྟ་བུར། །བྱང་
D453.082.0171b03.01ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡོན་ཏན་སྙིང་པོ་སངས་རྒྱས་ཐམས་ཅད་ཀྱི་སྣ་ཚོགས་མཆོད་པའི་བཀྲ་ཤིས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །མཆོག་
D453.082.0171b04.01སྩོལ་བཀྲ་ཤིས་རྒྱུན་དུ་ནི། །དུས་གསུམ་སངས་རྒྱས་ཐམས་ཅད་ཀྱིས། །སྐྱེས་བུ་དེ་ལ་སྩོལ་བ་སྟེར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བདེན་པར་སྤྱོད་པ་སངས་རྒྱས་ཐམས་ཅད་ཀྱིས་བསིལ་བའི་ཆར་འབེབས་
D453.082.0171b05.01པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་འདོད་ཆགས་ལ་སོགས་པས། །ཟིལ་གནོན་དེ་ལས་ཐར་བ་ཡི། །ཆར་བས་ཟུག་རྔུ་སེལ་བྱེད་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །
D453.082.0171b06.01དེ་ནས་དེ་བཞིན་གཤེགས་པ་དགེ་བའི་མཆོག་སངས་རྒྱས་ཐམས་ཅད་ཀྱི་ངོ་བོ་ཉིད་སྐུ་རྡོ་རྗེ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཞིང་ཁམས་ཀུན་ལ་ཁྱབ་གྱུར་པའི། །ལུས་ཅན་ཀུན་ལ་རྣམ་པར་སྣང་། །
D453.082.0171b07.01