完整藏文原文 · 德格版页 当前仅加载第 82 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་ཕུང་པོ་དེ་སྙེད་ཐོབ། །ས་རེ་ཐོབ་ཅིང་རླུང་འགག་ས་པས། །བཅུ་པའི་ས་ལ་གནས་པའི་ཚེ། །དམ་ཚིག་མངོན་དུ་གྱུར་པས་ན། །ཉོན་མོངས་ཐམས་ཅད་སྤངས་པ་ཡིན། །ས་བརྒྱད་པར་ནི་གྱུར་བའི་ཚེ། །ཉོན་མོངས་ཕུང་པོ་རགས་པ་ནི། །ཁྲི་ཕྲག་བརྒྱད་པོས་སྤངས་
D453.082.0177b01.01བ་ན། ཕྱིར་མི་ལྡོག་པ་ཞེས་བརྗོད་དོ། །ལྷག་མ་དྲུག་བརྒྱ་སྟོང་ཕྲག་གཅིག །སྔ་མའི་གནས་སུ་རང་དག་སྟེ། །ལས་ཀྱི་རླུང་རྣམས་དག་པ་ཡིན། །ཁྲི་ཕྲག་གཉིས་ནི་ཟག་མེད་རླུང་། །ས་བཅུ་པ་ལ་ཕྱིན་དུས་སུ། །གྲངས་འབུམ་གྱི་ནི་རྣམ་པ་ཉིད། །དམ་
D453.082.0177b02.01ཚིག་དག་ཏུ་བསྟན་པའོ། །ཆོས་ཕུང་བརྒྱད་ཁྲི་བཞི་སྟོང་ནི། །ས་བཅུ་པོ་ལ་གནས་པ་ཡིས། །ཆོས་ཀྱི་སྤྲིན་དུ་གྱུར་པ་ཡིན། །ཕྱིན་ལས་རིགས་ལྔའི་བཟླས་པ་ཡིས། །ས་ལྔ་པ་ནི་མངོན་དུ་བྱེད། །ཁྲོ་བོ་དམ་ཚིག་བཟླས་པ་ཡིས། །དྲུག་པ་མངོན་དུ་གྱུར་བ་
D453.082.0177b03.01ཐོབ། །དུས་གསུམ་དག་པའི་བཟླས་པས་ནི། །ལེགས་པའི་བློ་གྲོས་ཐོབ་པར་བྱེད། །དམ་ཚིག་མི་འདའ་བཟླས་པས་ནི། །ས་བཅུ་མངོན་དུ་གྱུར་པ་སྟེ། །རྒྱལ་བའི་རླུང་ལས་འཕོས་པས་ནི། །བསམ་མི་ཁྱབ་དུ་གྱུར་པ་སྟེ། །ཟག་པར་བཅས་པའི་རླུང་དག་ནི། །
D453.082.0177b04.01རགས་པར་གནས་པ་དེ་སྙེད་ཡིན། །ཕྲ་བར་གྱུར་པའི་རོག་པ་ནི། །ཁྲི་ཕྲག་བརྒྱད་ལས་འདས་ནས་ནི། །སྟོང་ཕྲག་བཞི་བཅུ་འདས་པས་ནི། །སྤང་བྱ་དེ་སྙེད་དང་རྟོག་པ། །བག་ལ་ཉལ་བ་སྤོང་པ་ཡི། །བག་མེད་རླུང་ནི་ཁྲི་ཕྲག་གཉིས། །ཡེ་ཤེས་དམ་ཚིག་མངོན་
D453.082.0177b05.01འབྱུང་བ། །འབུམ་དུ་བརྗོད་པས་བསྡུས་པའོ། །ཁྲི་ཕྲག་གཉིས་དང་སྟོང་ཕྲག་གཅིག །ལྷག་པ་དྲུག་བརྒྱར་བཅས་པ་གང་། །ལས་ཀྱི་རླུང་དུ་བརྗོད་པར་བྱ། །དེ་ཡང་བསྡུས་པས་ཐུན་གྲངས་ལ། །དུས་སྦྱོར་ཆེན་པོ་བཅུ་གཉིས་ཏེ། །དཀྱིལ་འཁོར་ཉི་ཤུ་རྩ་
D453.082.0177b06.01བཞི་ཡིན། །རོ་ཧི་ཏ་དང་མོ་ཧི་ཏ། །བྷ་དྲ་པྲི་ཥ་བྷ་ཤ་བ། །ཀུར་མ་མ་ཁ་ར་ར་ཎྜ། །མི་ཀི་ར་དང་བི་དྲི་ཀ། །བྱཱ་ཀུ་ལི་དང་སྭ་པ་ན། །ཀཱ་མ་ན་རུ་བརྗོད་པར་བྱ། །འབྱུང་དང་འཇུག་དང་གནས་པ་དག །གཅིག་ཏུ་གྱུར་པ་དབུགས་ཡིན་ཏེ། །དབུགས་དྲུག་ཆུ་སྲང་གཅིག་
D453.082.0177b07.01