完整藏文原文 · 德格版页 当前仅加载第 82 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དང་དེ་ཡི་ཆོས་ཉིད་དག །རྣམ་དག་སྣང་བ་སྡུད་པ་པོ། །བསམ་པ་དེ་ཡི་རྐྱེན་ཅན་ཞེས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྐྱེ་མེད་མཚུངས་པ་སངས་རྒྱས་ཐམས་ཅད་རྣམ་རིག་ཙམ་དུའང་མི་གནས་
D453.082.0258b01.01པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ཀྱི་སྤྱོད་པའི་ཁྱད་པར་ལས། །འདས་པ་སྨོན་པ་མེད་པའི་ངང་། །མ་གྲུབ་པ་ལ་གདགས་བྱ་མེད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་
D453.082.0258b02.01དེ་བཞིན་གཤེགས་པ་སའི་དབང་ཕྱུག་སངས་རྒྱས་ཐམས་ཅད་ཀྱི་བརྟག་པར་དཀའ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ནི་དངོས་པོར་མ་མཆིས་ཏེ། །རྟོག་པ་མི་ལྡན་དབྱིངས་གནས་པ། །བྱང་ཆུབ་ཚུལ་འདི་
D453.082.0258b03.01ལེགས་བསྟན་པས། །ཟག་མེད་སྟོང་པ་ཉིད་གནས་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཉི་མ་དགྱེས་པ་སངས་རྒྱས་ཐམས་ཅད་ཀྱི་མཉམ་པ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་སངས་
D453.082.0258b04.01རྒྱས་ཞི་བ་དང་། །འཁོར་བའི་སྡུག་བསྔལ་རྒྱ་མཚོ་དག །དོན་དམ་པ་ལ་འཛིན་མེད་ཕྱིར། །སྤང་བླང་མེད་པར་གྲོལ་བའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྒྲ་གཅན་ཟླ་བ་སངས་རྒྱས་ཐམས་ཅད་ཀྱི་རྣམ་པར་དབེན་པ་རྡོ་རྗེའི་ཏིང་ངེ་འཛིན་ལ་སྙོམས་པར་
D453.082.0258b05.01ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྒྲ་ཙམ་ཐོས་པའི་ཡུལ་ཡིན་གྱི། །རྟོགས་པར་བྱེད་པ་སྒྲ་མ་ཡིན། །མི་རྟག་དངོས་མེད་ལས་གྲོལ་ཕྱིར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མེ་ཏོག་འོད་སངས་རྒྱས་
D453.082.0258b06.01ཐམས་ཅད་ཀྱི་མྱ་ངན་ལས་འདས་བ་མ་ཡིན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་སྐུ་ནི་འགྱུར་མེད་ཅིང་། །དེས་གསུངས་ཆོས་ནི་རྒྱས་པ་ལས། །འདྲེན་པ་ཡང་དག་བྱང་ཆུབ་པ། །བྱང་ཆུབ་ཚུལ་འདི་བསྟན་པའོ། །
D453.082.0258b07.01