完整藏文原文 · 德格版页 当前仅加载第 82 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་བརྟན་པ་ཡེ་ཤེས་ཀྱི་རོལ་བ་སྣ་ཚོགས་སུ་སྟོན་པ་རང་འབྱུང་བའི་རྒྱུད་རབ་ཏུ་གསལ་བ་ཞེས་བྱ་བ་འདི་ཉིད་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་སྙིང་པོ་གསང་བ་གསང་བ་འདུས་པ་དཔལ་རྣལ་འབྱོར་ཆེན་པོ་
D453.082.0119a01.01གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་གསང་བ་ཆེན་པོའི་བྱང་ཆུབ་ཀྱི་སེམས་རབ་ཏུ་འབྱུང་བ་སྟོན་པ་ཞེས་བྱ་བའི་ལེའུ་སྟེ་བཅུ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཡང་དག་པར་འདུས་ནས། སངས་རྒྱས་དང་བྱང་ཆུབ་སེམས་
D453.082.0119a02.01དཔའ་ཐམས་ཅད་དང་། ལྷ་མི་རྣམས་དང་། རིག་པའི་རྒྱལ་པོ་དང་། ཁྲོ་བོའི་ཚོགས་ཐམས་ཅད་ལ་ཡང་དག་པར་བསྟོད་པ། མི་བསྐྱོད་པ་ནི་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །གསང་བའི་དབྱངས་ལ་
D453.082.0119a03.01ཕྱག་འཚལ་ལོ། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་བ་ཆེ། །རང་བཞིན་འོད་གསལ་མཆོག་གི་སྐུ། །རྟག་པའི་རྡོ་རྗེ་ཕྱག་འཚལ་ལོ། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །མཉམ་མེད་དག་པ་མཆོག་གི་མཆོག །རྡོ་རྗེ་
D453.082.0119a04.01སྐུ་ལ་ཕྱག་འཚལ་ལོ། །རྡོ་རྗེ་བདུད་རྩི་རྒྱལ་པོ་ཆེ། །འདོད་ཆགས་ཕ་རོལ་ཕྱིན་པ་ཐོབ། །ཡེ་ཤེས་དག་པས་ཡང་དག་འབྱུང་། །རྡོ་རྗེ་གསུང་ལ་ཕྱག་འཚལ་ལོ། །དོན་གྲུབ་རྡོ་རྗེ་རྫོགས་སངས་རྒྱས། །བསམ་པ་ཐམས་ཅད་ཡོངས་རྫོགས་པ། །གོས་པ་མེད་པའི་ཡེ་
D453.082.0119a05.01ཤེས་ཅན། །རྡོ་རྗེ་སེམས་དཔའ་ཕྱག་འཚལ་ལོ། །མོ་ཧ་ར་ཏིའི་སྔགས་ལས་སྐྱེས། །ས་ཡི་ཁམས་ནི་རྣམ་དག་ཅིང་། །དེ་བཞིན་གཤེགས་པའི་ཡུམ་གྱུར་པ། །ལྷ་མོ་སྤྱན་ལ་ཕྱག་འཚལ་ལོ། །དྭེ་ཥ་ར་ཏིའི་སྔགས་ལས་སྐྱེས། །ཆུ་ཡི་ཁམས་ནི་རྣམ་དག་པ། །རྡོ་རྗེ་
D453.082.0119a06.01རིགས་ཀྱི་ཡུམ་གྱུར་ཅིང་། །མཱ་མ་ཀཱི་ལ་ཕྱག་འཚལ་ལོ། །རཱ་ག་ར་ཏིའི་སྔགས་ལས་བྱུང་། མེ་ཡི་ཁམས་ནི་རྣམ་དག་ཅིང་། པདྨའི་རིགས་ཀྱི་ཡུམ་གྱུར་བ། གོས་དཀར་ལྷ་མོ་ཕྱག་འཚལ་ལོ། །བཛྲ་ར་ཏིའི་སྔགས་ལས་སྐྱེས། །རླུང་གི་ཁམས་ནི་རྣམ་དག་པ། །
D453.082.0119a07.01