完整藏文原文 · 德格版页 当前仅加载第 82 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
བསྡུ་བ་ཉིད་གྱུར་པ། །ཟུང་འཇུག་ཏིང་འཛིན་ལ་འཇུག་གང་། །དབྱེ་བས་ཡེ་ཤེས་དག་པའི་གནས། །མཆོད་པས་ཡང་དག་ཐོབ་པར་འགྱུར། །དེ་ཉིད་བླ་མའི་སྐུ་ཉིད་དོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་གསང་བ་
D453.082.0120b01.01གསང་བ་འདུས་པ་དཔལ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་གསང་བ་ཆེན་པོ་རབ་ཏུ་རྒྱས་པའི་མཆོད་ཅིང་བསྟོད་པའི་ལེའུ་སྟེ་བཅུ་གཅིག་པའོ།། །།རྡོ་རྗེ་མི་འགྱུར་བ་ཞེས་བྱ་བའི་བརྟག་པའི་རྒྱལ་པོ་དང་པོ་རྫོགས་སོ།། །།
D453.082.0120b02.01དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་ཀྱི་བཀོད་པ་དུ་མར་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་ནས་དེ་
D453.082.0120b03.01བཞིན་གཤེགས་པ་བྱང་ཆུབ་ཀྱི་སེམས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ། དེ་བཞིན་གཤེགས་པ་དུ་མའི་རིགས་ཀྱི་དཀྱིལ་འཁོར་ཆེན་པོ་གསང་བ་བླ་ན་མེད་པའི་རྡོ་རྗེ་མངོན་པར་རྫོགས་པའི་ཚུལ་མི་ཟད་པ་རྡོ་རྗེ་འགྲོ་བ་སེམས་ཅན་ཐམས་ཅད་ཀྱི་དོན་དུ་སེམས་
D453.082.0120b04.01ཅན་ནམ་མཁའི་མཐས་ཀླས་པར་གྱུར་པའི་ཁམས་བརྗོད་དུ་མེད་པའི་གནས་ཀྱི་ཆོས་ཉིད་དང་གཉིས་སུ་མེད་པ་མཉམ་པ་ཉིད་དུ་རབ་ཏུ་སྟོན་པ། རབ་འབྱམ་ཆོས་ཀྱི་དབྱིངས་ཀྱི་དཀྱིལ་འཁོར་ཆེན་པོ་ཚད་དང་རྒྱ་ཡོངས་སུ་ཆད་པ་མེད་པ་བསམ་གྱིས་མི་ཁྱབ་པའི་གནས་ཀྱི་ཞིང་
D453.082.0120b05.01ཁམས། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པའི་གནས་འགྱུར་བ་མེད་པར་གསང་བའི་འབྲུག་སྒྲ་སྒྲོགས་པའི་སྤྱོད་ཡུལ། རྣལ་འབྱོར་གྱི་དབང་ཕྱུག་བྱེ་བ་ཕྲག་བརྒྱད་ཅུ་མངོན་པར་བསྔགས་པ་དང་། རྣལ་འབྱོར་མ་སྐུལ་བྱེད་མ་དང་། འོད་ཟེར་ཅན་དང་།
D453.082.0120b06.01རལ་པ་གཅིག་མ་དང་། རི་ཁྲོད་ལོ་མ་ཅན་དང་། ཀུ་རུ་ཀུལླེ་དང་། རྡོ་རྗེ་དབྱངས་ཅན་མ་དང་། དྲི་མ་མེད་པའི་རྣམ་པར་རྒྱལ་མའི་གཙུག་ཏོར་དང་། གཙུག་ཏོར་མི་ཟད་པ་བསྔགས་པ་རྡོ་རྗེ་དང་། གཙུག་ཏོར་གདུགས་དཀར་མོ་ཅན་རྡོ་རྗེ་ལ་སོགས་པ་རི་རབ་སུམ་ཅུ་རྩ་
D453.082.0120b07.01