完整藏文原文 · 德格版页 当前仅加载第 82 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་མེད་རང་བྱུང་མི་རྟོག་ཕྱིར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བརྟུལ་ཞུགས་བརྟན་སངས་རྒྱས་ཐམས་ཅད་ཀྱི་མཛད་པ་མི་ཟད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་
D453.082.0186b01.01སོ། །ངེས་འབྱུང་རྣམ་པར་མི་གནས་པ། །འཁོར་བ་དག་པའི་སེམས་གནས་པ། །དེ་ཉིད་ཡེ་ཤེས་ཚུལ་གསུམ་གྱུར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །གང་དུ་སྔོན་བྱུང་སངས་རྒྱས་དང་། །མ་འོངས་བྱོན་གྱུར་དེ་བཞིན་གཤེགས། །ད་ལྟར་ཕྱོགས་
D453.082.0186b02.01བཅུའི་སངས་རྒྱས་རྣམས། །གསང་བ་འདི་ལས་ཡང་དག་འབྱུང་། །སེམས་ཀྱི་བསླབ་པ་ལ་ཕྱོགས་ཤིང་། །ཟབ་པ་རིག་པ་འཛིན་པ་དང་། །དེ་ཉིད་མདོ་སྡེར་གང་བསྟན་པ། །ཕྱི་ནང་གཉིས་སུ་བསྟན་པ་ཡིན། །གསང་བ་བླ་ན་མེད་པའི་དོན། །སྙིང་པོའི་དོན་རྣམས་སྟོན་
D453.082.0186b03.01བྱེད་པ། །འབྲས་བུ་རྟོགས་པའི་ཡེ་ཤེས་ནི། །ཚེ་འདི་ཉིད་ལ་མངོན་གྱུར་པས། །ཐབས་ཀྱི་ཁྱད་པར་གྱུར་པ་སྟེ། །རྡོ་རྗེ་ཐེག་པ་ཞེས་བརྗོད་དོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་
D453.082.0186b04.01ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་གསང་བ་བླ་ན་མེད་བའི་དོན་ཡོངས་སུ་སྐྱོང་བའི་ལེའུ་སྟེ་སུམ་ཅུ་དྲུག་པའོ།། །།དེ་ནས་རྒྱལ་པོ་རྡོ་རྗེ་འཛིན། །ཡེ་ཤེས་དོན་ཀུན་འཛིན་མཛད་པ། །དུས་གསུམ་བདག་པོ་དཔལ་ལྡན་པས། །གསང་བ་ཡེ་ཤེས་སྤྱོད་
D453.082.0186b05.01པ་གསུངས། །གཉིས་མེད་མཉམ་པ་མི་འགྱུར་བ། །དུས་གསུམ་རྟག་ཏུ་རང་བྱུང་ཉིད། །སྐྱེ་བ་མེད་པ་ལས་སྤྲུལ་ཞིང་། །མ་སྐྱེས་རང་བཞིན་བརྗོད་དུ་མེད། །སངས་རྒྱས་ཀུན་གྱི་ཆོས་རྣམས་ནི། །ནམ་མཁའ་དང་ནི་མཉམ་གྱུར་པ། །རྣམ་པར་མི་རྟོག་ཡེ་ཤེས་ལས། །སྒྱུ་མ་ཙམ་དུ་
D453.082.0186b06.01བསྟན་པ་ཡིན། །རྒྱུ་དང་ལམ་དག་འབྲས་བུར་ནི། །གནས་པ་བརྗོད་བྱ་དོན་གྱི་ཆོས། །དེ་ཉིད་ངེས་པར་དོན་སྟོན་པས། །རྗོད་བྱེད་སྒྲ་ཡི་ཕྱོགས་སུ་བཤད། །གསང་ཆེན་ཐེག་པ་སྙིང་པོའི་དོན། །རྒྱལ་པོ་ཆེ་བ་རང་ལ་གནས། །མཆོག་ཏུ་བརྟག་པ་འདུས་པ་སྟེ། །བདེན་གཉིས་ཟུང་
D453.082.0186b07.01