完整藏文原文 · 德格版页 当前仅加载第 82 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
རིག་བསམ་གཏན་ལས་བྱུང་བ། །བྱང་ཆུབ་དོན་གྱི་རྒྱུ་ཆེན་པོར། །དོན་འབྱུང་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྩི་སྨན་རྒྱལ་པོ་སངས་རྒྱས་ཐམས་ཅད་ཀྱི་ཀུན་ནས་འོད་ཟེར་དོན་ཆེན་བྱེད་པའི་ཏིང་ངེ་འཛིན་ལ་སྙོམས་
D453.082.0197b01.01པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་སྐུ་ཡི་ཚུལ་གྱུར་པ། །རྡོ་རྗེ་སྐྱིལ་ཀྲུང་གནས་པ་ཡི། །སྣ་ཚོགས་རིན་ཆེན་བརྒྱན་པ་ཉིད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྒྱུ་སྐར་རྒྱལ་
D453.082.0197b02.01པོ་སངས་རྒྱས་ཐམས་ཅད་ཀྱི་དམིགས་པ་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གསུང་གི་དབྱངས་སྙན་མ་ལུས་པ། །བརྗོད་པ་འགག་མེད་རང་བྱུང་བས། །འདི་ཉིད་གསང་བ་དོན་སྡུག་པའི། །བྱང་
D453.082.0197b03.01ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བླ་མེད་སྨན་པའི་རྒྱལ་པོ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་མཆོད་རྟེན་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །
D453.082.0197b04.01དབྱིངས་དང་ཡེ་ཤེས་ཚུལ་གཅིག་ཏུ། །མི་གནས་ལྡོག་པ་མེད་པ་ཡི། །བྱང་ཆུབ་སེམས་ཀྱི་ངང་གནས་པས། །བླ་མེད་ཡེ་ཤེས་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བསོད་ནམས་གླང་པོ་ཡེ་ཤེས་ཐོགས་པ་མེད་པ་
D453.082.0197b05.01རྡོ་རྗེ་སངས་རྒྱས་ཐམས་ཅད་ཀྱི་ཚུལ་ལ་གནས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །སྐུ་གསུང་ཐུགས་ནི་རྡོ་རྗེའི་ངང་། །རོ་མཉམ་ཡེ་ཤེས་མཚུངས་མེད་པ། །གཅིག་དང་དུ་མ་ལས་གྲོལ་ཕྱིར། །བྱང་ཆུབ་
D453.082.0197b06.01ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྟོག་པ་གཅོད་པར་མཛད་པའི་སངས་རྒྱས་ཐམས་ཅད་ཀྱི་ཚེ་ལ་དབང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །དེ་བཞིན་
D453.082.0197b07.01