完整藏文原文 · 德格版页 当前仅加载第 82 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རྒྱལ་པོ་རྡོ་རྗེ་འཆང་། །གསང་བའི་དབྱིངས་ནས་བཀའ་སྩལ་པ། །ཨ་ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། ཨཾ་ཨཿ། དེ་ནས་གཞན་ཡང་རབ་བཤད་པ། །དེ་ལ་རླུང་གི་མཚན་ཉིད་ནི། །ས་དང་ཆུ་དང་མེ་དང་རླུང་། །འབྱུང་བ་བཞི་ཡི་བྱེ་བྲག་གིས། །
D453.082.0175a01.01མགོན་པོ་རྡོ་རྗེ་རེ་རེ་ལའང་། །སྤྱན་ལ་སོགས་པའི་ལྷ་མོ་ནི། །རེ་རེ་ལ་ཡང་བཞི་བཞི་སྟེ། །དཀྱིལ་འཁོར་བཞི་རུ་མངོན་པར་བརྗོད། །ཞི་རྒྱས་དབང་དང་མངོན་སྤྱོད་རྣམས། །མཁས་པས་ཤེས་ནས་སྤྱད་པར་བྱ། །རླུང་གི་བྱེ་བྲག་བསྟན་པ་ནི། །ཐོ་རངས་ཁྱབ་གནས་
D453.082.0175a02.01དུས་ཡིན་ཏེ། །སྤྱི་བོའི་གནས་ལས་ཀུན་ཁྱབ་པས། །ཡི་གེ་ཨ་རུ་མངོན་པར་བརྗོད། །དེ་ནི་སྐུ་ཡི་བཟླས་པའོ། །ནམ་ནངས་ཐུར་སེལ་དུས་ཡིན་ཏེ། །གསང་བའི་གནས་སུ་འབྱུང་བས་ན། །ཨཱ་ཞེས་བརྗོད་པ་དབྱངས་ཡིན་ནོ། །རྡོ་རྗེ་གསུང་གི་བཟླས་པར་བརྗོད། །
D453.082.0175a03.01ཉི་མ་ཤར་བ་མཉམ་གནས་རླུང་། །ལྟེ་བའི་གནས་སུ་བརྗོད་པ་ཡི། །ཨི་ཞེས་སྒྲ་ཙམ་དུ་བརྗོད་པས། །རྡོ་རྗེ་ཡོན་ཏན་བཟླས་པ་སྟེ། །ཅུང་ཟད་དྲོས་པས་དྲོད་ཡིན་ཏེ། །སྙིང་གའི་གནས་སུ་མི་ཤིགས་པས། །ཡི་གེ་ཨཱི་རུ་མངོན་པར་ནི། །རྡོ་རྗེ་ཐུགས་ཀྱི་བཟླས་པ་
D453.082.0175a04.01སྟེ། །ཕྱེད་དུས་གྱེན་དུ་རྒྱུ་བ་ཉིད། །མགྲིན་པའི་གནས་ལས་བསྐྱེད་པས་ན། །ཨུ་ཞེས་ཐུང་རྒྱུ་ངག་ཏུ་གྱུར། །རྡོ་རྗེ་ཐོགས་མེད་བཟླས་པར་བཤད། །ཕྱེད་ཡོལ་དུས་སུ་རྒྱུ་བའི་རླུང་། །མིག་ལ་གནས་པའི་རྣམ་པ་ཡིས། །ཨཱུ་ཞེས་རབ་ཏུ་བརྗོད་པ་ཉིད། །རྡོ་རྗེ་
D453.082.0175a05.01འདོད་ཆགས་བཟླས་པར་བརྗོད། །དགོངས་ཀ་རབ་ཏུ་རྒྱུ་བ་ཉིད། །རྣ་བ་ལ་ནི་རབ་གནས་པ། །ཨེ་ཞེས་ཀུན་གྱི་བརྡ་རུ་བརྗོད། །མཚན་མོའི་ཆ་ལ་རྣམ་པར་རྒྱུ། །སྣ་ཡི་རྣམ་ཤེས་ལྡན་པ་སྟེ། །ཨཻ་ཞེས་གསང་བ་སེར་སྣ་འཛིན། །རྡོ་རྗེ་གཏི་མུག་བཟླས་པར་བརྗོད། །
D453.082.0175a06.01སྲོད་ལ་ཤིན་ཏུ་རྒྱུ་བ་སྟེ། །ལྕེ་ལ་མངོན་པར་དབང་བས་ན། །ཨོ་ཞེས་སྣ་ཚོགས་སྒྲ་བརྗོད་པ། །འགོག་པ་ཁྲོ་བོའི་བཟླས་པར་བརྗོད། །ནམ་ཕྱེད་ཡང་དག་རབ་རྒྱུ་བ། །བ་སྤུའི་ཚིགས་ཀུན་ཁྱབ་པས་ན། །ཨཽ་ཞེས་ཚིག་ཏུ་སྨྲ་བར་སྟོན། །འདི་ནི་དམ་ཚིག་
D453.082.0175a07.01