完整藏文原文 · 德格版页 当前仅加载第 82 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པས་སྤྲུལ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དགེ་འདུན་བརྟན་པའི་བློ་སངས་རྒྱས་ཐམས་ཅད་ཀྱི་ཀླུ་དབང་གནོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་བར་ཞུགས་ཏེ།
D453.082.0182a01.01བྱང་ཆུབ་ཀྱི་སེམས་འདི་གསུངས་སོ། །གདུག་པ་མ་ལུས་གདོན་བྱུང་བ། །དེ་ཉིད་རྟོག་པའི་དྲ་བ་ལས། །ཀུན་བྱུང་དག་པར་འདུལ་བྱེད་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །གསང་བའི་རྒྱལ་པོ་བཅོམ་ལྡན་གྱིས། །དེ་ཉིད་བྱང་
D453.082.0182a02.01ཆུབ་སེམས་དཔའ་ལ། །རབ་ཏུ་བསྐུལ་ཏེ་བསྟན་པ་གང་། །རབ་ཏུ་ཉོན་ཅིག་རྡོ་རྗེ་འཛིན། །དཀྱིལ་འཁོར་གང་དུ་བསྒྲུབ་པ་ཡི། །གསང་བ་མངོན་པར་བྱང་ཆུབ་པ། །རྒྱུ་དང་རྟགས་དང་གོ་ཆ་དང་། །རྣམ་པ་ལྔར་ནི་བསྟན་པ་སྟེ། །འཇུག་པ་སྦྱོར་བའི་
D453.082.0182a03.01རིམ་པ་ཡིས། །དམིགས་པ་བསྡུས་པ་ཉིད་ཡིན་ནོ། །རླུང་དང་སྔགས་དང་སྒྲ་ལས་ནི། །རྡོ་རྗེ་བཟླས་པའི་རིམ་པའོ། །གང་དུ་སེམས་ཀྱི་སྣང་བ་ལས། །རབ་དབེན་རི་པ་གཉིས་པར་བརྗོད། །རྨི་ལས་སྒྱུ་མའི་ཆོས་ཅན་ལས། །བདག་བྱིན་བརླབ་པའི་
D453.082.0182a04.01རིམ་པར་གྱུར། །བསམ་གཏན་སྦྱོར་དང་འོད་གསལ་བ། །མངོན་པར་བྱང་ཆུབ་རིམ་པ་ཉིད། དེ་ལས་གཉིས་མེད་དེ་བཞིན་ཉིད། །རིམ་པ་ལྔ་པ་ཟུང་འཇུག་ལམ། །ལུས་སེམས་ངག་གི་ཆོས་བསྡུས་པས། །ཚུལ་གསུམ་མངོན་པར་བྱང་ཆུབ་པ། །དེ་ཉིད་ཡེ་
D453.082.0182a05.01ཤེས་ལྔ་དག་ཏུ། །རིགས་ཀྱི་དབྱེ་བས་བསྟན་པ་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་དང་། །གསུང་དང་། །ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་ཆོས་ཀྱི་ཚུལ་བསྡུ་བ་མངོན་
D453.082.0182a06.01བར་བྱང་ཆུབ་བའི་ལེའུ་སྟེ་སོ་བཞི་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཕྱོགས་བཟང་རྟོག་སྐྱེས་བུ་ཁ་ལོ་སྒྱུར་བ་རྡོ་རྗེ་ཞེས་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ཐབས་དང་བསམ་པ་
D453.082.0182a07.01