完整藏文原文 · 德格版页 当前仅加载第 82 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོག་མཐའ་ལ་སོགས་བྱེ་བྲག་སྣང་བས་ན། །གཟུགས་ལ་སོགས་པ་འདི་དག་གཅིག་མ་ཡིན། །རྡུལ་ཕྲན་ལ་རྣམས་ཀྱང་སྣང་བ་མ་ཡིན་པས། །དུ་མའི་གཟུགས་སུ་མིན་བའང་དེ་དག་འདྲ། །རྡུལ་ཕྲན་ཆ་ཤེས་མེད་པ་ཉིད་ཀྱང་ནི། །ཕྲ་རབ་དུ་མ་འདུས་པར་མ་གྲུབ་པས། །
D453.082.0235b01.01དབང་ཆེན་དཀྱིལ་འཁོར་ལ་སོགས་པ་ཡི་གཟུགས། །བསགས་པ་འགའ་ཡང་འདིར་ནི་མེད་པར་འགྱུར། །དེ་བས་འཛིན་པ་པོ་ལ་སོགས་བྲལ་བས། །རང་རྒྱུད་ལ་སོགས་བཏགས་པའི་ངོ་བོ་ཉིད། །བརྟན་དང་གཡོ་བའི་དངོས་རྣམས་མ་ལུས་གང་། །དྲི་ཟའི་གྲོང་ཁྱེར་དག་
D453.082.0235b02.01དང་མཚུངས་པ་ཡིན། །བདག་དང་བདག་གི་རྣམ་རྟོག་རྒྱུན་གྱིས་ནི། །ངོ་བོ་དག་གིས་དེ་ནི་འཁོར་བ་སྟེ། །དག་པ་ཕྱིན་ཅི་ལོག་དང་བྲལ་བ་ཡི། །ངོ་བོ་ཙམ་ནི་རྣམ་པར་བརྟགས་གྱུར་པ། །སྲིད་དང་ཞི་བ་ཡི་ནི་མཚན་ཉིད་འདིར། །ཆོས་ཉིད་ཀྱིས་ནི་དབྱེ་བ་གང་ཡང་མེད། །གང་
D453.082.0235b03.01ཕྱིར་གཟུག་བ་ལ་སོགས་རྣམ་པ་དང་། །བྲལ་བར་ཐམས་ཅད་དུ་ནི་རྟག་ཏུ་བསྒྲུབ། །སོ་སོར་སྣང་བ་རང་བཞིན་ཀུན་རྟོག་ལས། །ཐམས་ཅད་ཀྱང་ནི་ཅི་ཡང་ཡོད་མ་ཡིན། །ཆོས་རྣམས་སེམས་ལས་གཞན་པ་ཡོད་མིན་པས། །བདག་དང་བདག་གིར་བཏགས་པ་མ་གྲུབས་པས། །གང་
D453.082.0235b04.01ཞིག་གཟུགས་ལས་སོ་སོར་ཞུགས་གྱུར་པ། །དེ་ཡི་བདག་ཉིད་གང་ཡིན་དེ་ཉིད་གཟུགས། །དེ་བས་ཐམས་ཅད་ཁྱད་པར་མེད་པའི་བློས། །དངོས་པོ་ཐམས་ཅད་ཁྱད་པར་མེད་པར་བརྟག །སྣང་བར་གྱུར་པའི་ཡུལ་རྣམས་གང་ཡིན་དང་། །གང་ཞིག་རྟོག་པའི་གནས་སུ་གྱུར་བ་རྣམས།།
D453.082.0235b05.01དེ་དེ་གཉིས་སུ་སྦྱོར་དང་བྲལ་བས་ན། །དེས་ན་རྣམ་པར་དབྱེ་བ་དུ་མས་མིན། །བཅོམ་ལྡན་འདས་རྡོ་རྗེ་འཛིན་བས་དབྱངས་ཀྱི་བརྗོད་པ་རྣམ་པར་དག་པ་རྡོ་རྗེའི་ཚུལ་ལས་འབྱུང་བའི་གནས་འདི་ཡང་གསུངས་སོ། །དང་པོ་ཨ་ནས་བརྩམས་ནས་ཨཿཡི་མཐར། །བཅུ་གཉིས་དབྱངས་
D453.082.0235b06.01ནི་གསུང་རབ་ཡན་ལག་གྱུར། །ཨ་གང་མདོར་ཙམ་གྱི་ནི་སྤྱི་ཡི་དོན། །རྣམ་པར་བསྡུས་ནས་སྟོན་པ་མདོ་ཡི་སྡེ། །ཨཱ་ཆོས་རྣམས་ཐམས་ཅད་སྤྱི་དང་བྱེ་བྲག་གི། །རྣམ་པ་ཡི་གེ་ཐ་སྙད་གསལ་བར་གྱུར། །དེ་ནི་ཚིགས་སུ་བཅས་པར་རྗོད་བྱེད་པ། །རྒྱས་པར་དབྱེ་བ་དབྱངས་ཀྱིས་
D453.082.0235b07.01