完整藏文原文 · 德格版页 当前仅加载第 82 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་དང་། །ལྕེ་ནི་འཇིག་རྟེན་དབང་ཕྱུག་སྟེ། །ལུས་ལ་སྒྲིབ་པ་རྣམ་པར་སེལ། །ཡིད་ལ་ཀུན་དུ་བཟང་པོས་སོ། །ཉོན་མོངས་ཅན་ཡིད་བྱམས་པ་སྟེ། །ཀུན་གཞི་འཇམ་པའི་དབྱངས་ཀྱིས་ནི། །དེ་ལྟར་བྱིན་བརླབས་དབང་བསྐུར་ཏེ། །རྣམ་ཤེས་
D453.082.0284a01.01བརྒྱད་ནི་དག་ཕྱིར་རོ། །དངོས་པོར་འཛིན་པའི་རྟོག་པ་དག །འཇོམས་བྱེད་ཁྲོ་བོའི་རྒྱལ་པོ་བཅུས། །ཚིགས་ཚོགས་དགེ་པར་དབང་བསྐུར་རོ། །དེ་ལྟར་ཕྲིན་ལས་ཚུལ་གྱིས་ནི། །གསང་བ་བླ་ན་མེད་པར་གྱུར། །དེ་ནས་ཡང་བཅོམ་ལྡན་འདས་དཔལ་རྡོ་རྗེ་འཛིན་པ་ཆེན་
D453.082.0284a02.01པོས་ནི་སྲིད་པ་དང་ཞི་བ་མཉམ་པ་ཉིད་གཉིས་སུ་མེད་པ། ཐོག་མ་དང་བར་དང་ཐ་མར་རྒྱུན་མི་འཆད་པ། ཆོས་ཐམས་ཅད་ལ་འདུ་འབྲལ་མེད་ཅིང་ཐ་དད་པར་རྟོག་པ་མེད་པ། འགྲོ་བ་དང་འོང་བ་མེད་ཅིང་རང་བཞིན་གྱིས་འོད་གསལ་བ་རྣམ་པར་དག་པ། དབྱིངས་
D453.082.0284a03.01དང་ཡེ་ཤེས་ཟུང་དུ་འཇུག་པ། མཉམ་པ་ཉིད་མི་གནས་པ་བདེ་བ་ཆེན་པོའི་ཚུལ་དུ་ཡང་དག་པའི་སྙིང་པོའི་གསང་བ་ཆེན་པོའི་དབང་བསྐུར་བར་གྱུར་ཏོ། །འདི་ལྟར་ཡང་དག་པ་དབང་བསྐུར་བ་འདི་བསྟན་པ་ན་སོ་སོའི་སྐྱེ་བོ་བྱེ་བ་ཁྲག་ཁྲིག་འབུམ་ཕྲག་བཅུས་
D453.082.0284a04.01མངོན་པར་སངས་རྒྱས་པའི་དོན་ལ་གནས་པར་གྱུར་ཏོ། །བྱང་ཆུབ་སེམས་དཔའ་བསྐལ་པ་གང་གཱའི་ཀླུང་གི་བྱེ་མ་སྙེད་བཅུས་ཚེ་དེ་ཉིད་ལ་འཇིག་རྟེན་གྱི་ཁམས་འོག་མིན་དེ་ཉིད་དུ་མངོན་པར་རྫོགས་པར་སངས་རྒྱས་སོ། །བྱང་ཆུབ་སེམས་དཔའ་སེམས་དཔའ་
D453.082.0284a05.01ཆེན་པོ་བརྗོད་ཀྱིས་མི་ལང་བ་རྣམས་འཇིག་རྟེན་གྱི་ཁམས་བསམ་གྱིས་མི་ཁྱབ་པར་སྐུ་གསུམ་གྱི་རོལ་མོ་མངོན་པར་སྟོན་ཅིང་མི་ཟད་པའི་ངང་ལས་ཡང་དག་པར་རྫོགས་པར་འཚང་རྒྱ་བ་དང་། འཛམ་བུའི་གླིང་བྱེ་བ་ཕྲག་བརྒྱའི་བར་དུ་ཡང་
D453.082.0284a06.01རྣལ་འབྱོར་གྱི་དབང་ཕྱུག་དུ་མའི་སྐུར་བསྟན་ནས་ཐོགས་པ་མེད་པར་དེ་བཞིན་གཤེགས་པ་ཉིད་དུ་མངོན་པར་སྤྱོད་པར་མཛད་དོ། །དེ་ནས་གསང་བ་འཛིན་པ་པོས། །གསང་ཆེན་ཡེ་ཤེས་དབང་བསྐུར་བ། །མཉམ་ཉིད་བདེ་བ་ཆེན་པོ་ཡིས། །ཡེ་ཤེས་དྲི་མེད་
D453.082.0284a07.01