完整藏文原文 · 德格版页 当前仅加载第 82 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ། །ཤིན་ཏུ་སྤྲོས་པ་མེད་པས་ནི། །འདོད་དང་བསམ་པ་འཇུག་པ་དང་། །དུས་ཀྱི་ཁྱད་པར་རྣམ་དབྱེ་བས། །བྷུ་སུ་ཀུ་དང་ཀུན་དུ་བཟང་། །རིག་པའི་བརྟུལ་ཞུགས་སྤྱོད་པ་ཡིས། །ཉོན་མོངས་ཉེ་བའི་ཉོན་མོངས་དག །ཚར་བཅད་པ་དང་རྗེས་འཛིན་
D453.082.0287b01.01གྱི། །ཕྱོགས་ལས་རྣམ་པར་རྒྱལ་བ་ཡི། །བརྟན་གཡོ་དབང་དུ་སྡུད་པའི་ཕྱིར། །བག་མེད་འཚེ་བ་རྣམ་སྤངས་པས། །ཐམས་ཅད་སྒྱུ་མའི་ཚུལ་སྦྱོར་བ། །སྟོང་ཉིད་ཡེ་ཤེས་ཤེས་རབ་མས། །ཁྱོགས་དང་བརླབས་དང་ཁྱུང་ལྡིང་དང་། །བཀལ་བ་དང་ནི་
D453.082.0287b02.01བསྐྱོད་པ་ཡིས། །ཚངས་པར་སྤྱོད་དང་བདེ་བར་རོལ། །དེ་ནས་གསང་བའི་ཚུལ་གནས་མ། །རྫོགས་པར་རླུང་གི་རྣལ་འབྱོར་བསླབ། །རྣལ་འབྱོར་རྟག་ཏུ་མཉམ་བཞག་ལས། །འཇུག་པའི་རླུང་ནི་བགྲངས་བྱ་ཞིང་། །ཇི་སྲིད་འབུམ་གྱི་བར་དུ་ནི། །སྒྲ་དང་
D453.082.0287b03.01བྲལ་བར་རྟག་ཏུ་བཟླས། །སྒྲུབ་པོས་སྒྲ་དང་བལ་བར་ནི། །འབུམ་བཟླས་ཡོངས་སུ་རྫོགས་པ་ན། །འཆི་བདག་འཇོམས་པར་འགྱུར་བ་སྟེ། །ཡེ་ཤེས་ལྔ་ཡི་བར་དག་ཏུ། །འཆི་བ་བསླུས་པར་ཐེ་ཚོམ་མེད། །རྟག་ཏུ་ནང་པར་ཐོ་རངས་དུས། །སྟོང་ཕྲག་གཅིག་
D453.082.0287b04.01ཏུ་ཆགས་མེད་པར། །དེ་ཉིད་རྡོ་རྗེ་བཟླས་བྱས་པས། །བར་དུ་གཅོད་ལས་བཟློགས་པས་ན། །དེ་ཕྱིར་རླུང་གི་རྣལ་འབྱོར་ལ། །ཀུན་དུ་མཉམ་བཞག་གནས་པར་བྱ། །དེ་ཉིད་བུམ་པ་ཅན་བཅིངས་པས། །བདུད་ལས་རྣམ་པར་རྒྱལ་བ་འཐོབ། །དེ་ཉིད་རིག་
D453.082.0287b05.01པས་ལུས་ཀུན་ལས། །ལུས་ཀྱི་ཁོང་སྟོང་རྩ་སྦུབས་དག །རླུང་གིས་ངེས་པར་དག་བྱས་པས། །དེ་ཉིད་རྔུབ་པ་དང་བཅས་པས། །ཁྱད་པར་འཇོམས་པ་རླུང་གི་ལས། །དབུ་མ་ཉིད་དུ་གནས་པ་ནི། །འབྱུང་བ་ཟག་པ་མེད་པ་དང་། །ཤིན་ཏུ་བདེ་བསྐྱེད་བྱེད་
D453.082.0287b06.01ཡིན། །རླུང་གིས་སེམས་ནི་སྐྱོན་མེད་པར། །རབ་ཞི་འབྱུང་བ་ལྡོག་པ་དག །གཅིག་ཏུ་གནས་པར་བྱེད་པའི་ལས། །འདི་ནི་རྣལ་འབྱོར་ལམ་དུ་གསུངས། །སྒོ་ལྔའི་རླུང་ནི་བསྡུ་བ་ཡང་། །དབང་པོ་ནང་དུ་ཟློག་པ་ལས། །ཕྱི་རོལ་ཉེ་བར་དམིགས་མི་འགྱུར། །
D453.082.0287b07.01