完整藏文原文 · 德格版页 当前仅加载第 82 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་དང་། སྤྱོད་པ་བསྟན་པའི་ལེའུ་སྟེ་དོན་གཅིག་པའོ།། །།དེ་ནས་རྒྱལ་པོ་རྡོ་རྗེ་འཛིན། །ཆོས་རྣམས་ཐམས་ཅད་མི་འགྱུར་ཏེ། །ཐམས་ཅད་དབང་བསྐུར་ཡེ་ཤེས་མཆོག །ཡེ་ཤེས་དཀྱིལ་འཁོར་གསང་བ་བཤད། །
D453.082.0302a01.01ཞིང་འདིར་རིན་ཆེན་འདུན་དག་གིས། །མཁས་པས་ཁྱབ་པར་ཡོངས་བཀང་སྟེ། །ཁྱད་པར་ཡེ་ཤེས་བདེ་དོན་དུ། །ཤེས་རབ་ལྡན་པས་བླ་མར་དབུལ། །དེ་མདུན་ཡན་ལག་རྣམ་དག་པས། །དཔེ་མེད་རོལ་བས་དབུལ་བར་བྱ། །ཁུ་བ་བྱུང་བས་རང་
D453.082.0302a02.01ལུས་ལས། །དཀྱིལ་འཁོར་ལྷ་ཚོགས་སྤྲོ་བ་སྟེ། །རིགས་ཀྱི་ལྷ་རྣམས་ཆོ་ག་བཞིན། །ལུས་ལ་ཉེ་བར་དགོད་པའོ། །ཡེ་ཤེས་འབྲས་བུ་ཐོབ་འདོད་པས། །གཉིས་སུ་མེད་པར་བཏུང་བར་བྱ། །དེ་བཞིན་གཤེགས་པའི་འཁོར་ལོའི་ཚོགས། །བསྡུ་བ་ཉིད་ཀྱིས་
D453.082.0302a03.01ཉེར་གསད་པ། །འདི་ནི་དངོས་གྲུབ་རྒྱ་མཚོ་ཡི། །བླ་མེད་འབྲས་བུ་ཐོབ་འགྱུར་བའོ། །མཁའ་དབྱིངས་རྡོ་རྗེ་སྟོང་པ་ཉིད། །དབུས་གནས་མངོན་པར་བྱང་ཆུབ་བརྗོད། །དེ་ཉིད་མེ་ལོང་ཡེ་ཤེས་ལྡན། །ཟླ་བའི་དཀྱིལ་འཁོར་རབ་ཏུ་བརྟག །ཉི་མ་མཉམ་
D453.082.0302a04.01ཉིད་ཡེ་ཤེས་ཏེ། །བདུན་དང་ལྡན་པའི་དབུས་ཉིད་དོ། །སྔགས་ནི་དབུས་སུ་གནས་གྱུར་གང་། །ས་བོན་སོ་སོར་རྟོག་པ་སྟེ། །མངོན་པར་བྱང་ཆུབ་པ་ཉིད་དོ། །རྡོ་རྗེ་ལ་སོགས་གང་གནས་པ། །སངས་རྒྱས་དཀྱིལ་འཁོར་བསྒོམ་པར་བྱ། །ཡོངས་སུ་
D453.082.0302a05.01རྫོགས་པའི་སྐུ་གསུང་ཐུགས། །ཞལ་གསུམ་རྩ་གསུམ་བརྗོད་པར་བྱ། །སྐུ་གསུམ་ལུས་ངག་ཡིད་ཡིན་ཏེ། །དེ་ཉིད་མངོན་པར་བྱང་ཆུབ་བརྗོད། །རྡོ་རྗེ་འཁོར་ལོ་པདྨ་དང་། །ནོར་བུ་རལ་གྲི་འབར་བ་ལས། །རྣམ་པར་འཕྲོ་བ་བསམ་པ་སྟེ། །བླ་མེད་ཡེ་
D453.082.0302a06.01ཤེས་བྱང་ཆུབ་བརྗོད། །སྤྲོ་དང་སྡུད་པར་བྱེད་པའོ། །རྣམ་པའི་མཆོག་ནི་ཀུན་ལྡན་པ། །སྐད་ཅིག་གཅིག་ལ་རབ་རྫོགས་པ། །རྫོགས་པའི་རྣལ་འབྱོར་ཞེས་བརྗོད་དོ། །བྱང་ཆུབ་སེམས་ནི་དག་པ་དང་། །གསང་སྔགས་ས་བོན་བསྐྱེད་པ་ཅན། །ཕྱག་རྒྱའི་
D453.082.0302a07.01