完整藏文原文 · 德格版页 当前仅加载第 82 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་པའི་བློ་གྲོས་དང་། ཆོས་ཀྱི་སྤྲིན་གྱི་བར་དུ་ཡེ་ཤེས་ཡོངས་སུ་རྫོགས་པར་བྱེད་དོ། །དཔེ་མེད་པའི་ས་དང་། ཡེ་ཤེས་ཆེན་པོའི་ས་དང་། དཔལ་རྡོ་རྗེ་འཛིན་པའི་བར་དུ་མ་ལུས་པའི་ཡེ་ཤེས་ཐམས་ཅད་ཡོངས་སུ་རྫོགས་པར་བྱེད་པ་ཉིད་དེ། མངོན་
D453.082.0252a01.01པར་འབྱུང་བ་རོལ་པའི་གསང་བ་བསམ་གྱིས་མི་ཁྱབ་པའི་སྤྱོད་ཡུལ་སྟོན་པ་ཉིད་དོ། །དེ་ཕྱིར་ཀུན་ནས་ཀུན་དུ་ངེས་པར་བླ་མ་ལ་མཆོད་ཅིང་བརྟེན་པར་བྱ་བ་ལ་འབད་པ་ཉིད་དོ། །འདི་དག་གིས་ཀྱང་ལུས་གཅིག་གིས་ཡེ་ཤེས་དུ་མ་ཡོངས་སུ་སྡུད་པར་བྱེད་པའི་ཕྱིར་ཚེ་
D453.082.0252a02.01གཅིག་གིས་མངོན་དུ་བྱེད་པར་འགྱུར་རོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་བ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་གསང་བ་བླ་ན་མེད་པའི་ལམ་
D453.082.0252a03.01ཡོངས་སུ་རྫོགས་པར་སྟོན་པའི་ལེའུ་སྟེ་ལྔ་བཅུ་བརྒྱད་པའོ།། །།དེ་ནས་དེ་བཞིན་གཤེགས་པ་དབྱངས་ཀྱིས་བསྐུལ་བས་སངས་རྒྱས་ཐམས་ཅད་ཀྱི་ཡེ་ཤེས་རིན་པོ་ཆེའི་མཛོད་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0252a04.01སོ། །གསུང་བ་འཛིན་པ་མ་ལུས་པ། །ཡེ་ཤེས་ཆུ་དང་འོ་མ་བཞིན། །སྔ་ཕྱི་གཅིག་ཏུ་འདྲེས་པ་ཡི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཽ་ཏ་མ་ཡེ་ཤེས་མངོན་པར་རོལ་པས་སངས་རྒྱས་ཐམས་ཅད་ཀྱི་
D453.082.0252a05.01རྡོ་རྗེའི་སྤྲིན་གྱི་འོད་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་འབྱུང་བའི་ཡེ་ཤེས་ཀྱིས། །སྐུ་ཡི་རྡོ་རྗེའི་རོལ་པ་གང་། །མ་སྐྱེས་དེ་བཞིན་ཉིད་སྦྱོར་བས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་
D453.082.0252a06.01དེ་བཞིན་གཤེགས་པ་མདངས་སྟོབས་ཀྱིས་སངས་རྒྱས་ཐམས་ཅད་ཀྱི་རྡོ་རྗེ་ཡེ་ཤེས་ཀྱི་ཆུ་བོ་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བརྗོད་པ་ཐ་སྙད་བྲལ་བ་ཡི། །གསུང་གི་རྡོ་རྗེའི་དབང་ཕྱུག་གང་། །སྐྱེ་མེད་ངོ་བོ་
D453.082.0252a07.01