完整藏文原文 · 德格版页 当前仅加载第 82 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའི་དཀྱིལ་འཁོར་བ། །གཟུགས་ཀྱི་རྡོ་རྗེ་ལ་སོགས་དང་། །ཁྲོ་བོའི་རྒྱལ་པོ་བཞིར་བཅས་པའི། །སོ་སོའི་དབུ་མས་གྱུར་པ་ཡི། །འདུས་པའི་དཀྱིལ་འཁོར་དགོད་པར་བྱ། །རེ་རེ་ཞིང་དུ་རིགས་ཀྱི་བདག །གསང་བ་རིགས་ཀྱི་བདག་
D453.082.0291b01.01པོ་ཡིས། །རྒྱས་གདབ་དཀྱིལ་འཁོར་ཁྱད་པར་བྱ། །ལྷ་རྣམས་ཁྱམས་ལ་དགོས་པ་ནི། །ཁྲོ་བོ་དྲུག་དང་བཅས་པ་ཡི། །དཀྱིལ་འཁོར་གཉིས་ལས་བསྡུས་པ་ཡི། །ཚངས་པ་དང་ནི་གསང་འཛིན་གྱིས། །དཀྱིལ་འཁོར་ཡང་དག་འབྱུང་བས་
D453.082.0291b02.01ན། །སུམ་ཅུ་རྩ་གསུམ་བརྗོད་པའོ། །དེ་བཞིན་གཤེགས་པ་སྟོང་དག་ནི། །དབུས་སུ་ཉེ་བར་གཟིགས་པ་གང་། །རྡོ་རྗེ་རིན་ཆེན་པདྨ་དང་། །རལ་གྲི་འབར་བས་ཁྱབ་པ་དང་། །དེ་བཞིན་གཤེགས་པའི་འཁོར་ལོ་ནི། །ཕྱོགས་བཞིར་ཁྱབ་པར་གནས་
D453.082.0291b03.01པ་སྟེ། །ཤིན་ཏུ་རྒྱ་ཆེའི་རྣམ་མ་ཡིས། །དཔག་ཚད་བྱེད་བའི་ཁྱོན་ཙམ་དུ། །གྲུ་བའི་ཤིན་ཏུ་གསལ་བ་ཡི། །མཛེས་བ་རྟ་བས་དང་ལྡན་པའི། །ཡོངས་སུ་རྫོགས་པའི་ཕོ་བྲང་ལས། །མཆོད་རྟེན་རིན་ཆེན་སྣ་བཞི་པ། །འོད་ཟེར་ཕྲེང་བས་རྣམ་བརྒྱན་པ།།
D453.082.0291b04.01གསལ་ཞིང་རང་བཞིན་དྲི་མ་མེད། །དམ་པའི་རིགས་ནི་བརྒྱལ་སོགས། །གསང་བ་རབ་ཏུ་མཆོད་པའི་ཕྱིར། །ཤེས་རབ་ཅན་ཀྱིས་གནས་སུ་བསམ། །འདོད་པའི་ཡོན་ཏན་ལྔ་རྣམས་ཀྱིས། །དེ་ལ་མཆོད་པ་རྒྱ་མཚོ་དབུལ། །དེ་ཉིད་ཕྱི་ནང་གསང་བ་ཡི། །རིམ་
D453.082.0291b05.01པས་རབ་ཏུ་ཕྱེ་བ་ཡི། །ཕྱོགས་དང་དུས་ཀྱིས་གནས་པ་ཡི། །ལྷ་མོ་དྲུག་བརྒྱ་བདུན་ཅུ་དང་། །རྩ་ལྔ་ཡི་ནི་མཆོད་པ་ཉིད། །ངེས་པར་བསྡུས་པས་ཉིས་འགྱུར་དུ། །རིན་ཆེན་ན་བཟའ་ལ་སོགས་པས། །བྱང་ཆུབ་འདོད་པས་རྟག་ཏུ་མཆོད། །ཡེ་ཤེས་རྒྱ་མཚོ་
D453.082.0291b06.01དུས་གསུམ་གྱི། །གནས་དེ་ཡིན་པར་རྣམ་པར་བསམ། །བདག་ནི་ཐུགས་ཀའི་ས་བོན་ལས། །འཆོད་པའི་སྤྲིན་རྣམས་སྤྲོས་ནས་ནི། །ཉེ་བར་གསང་བའི་རིམ་པ་ཡིས། །མཆོད་པ་རྣམ་པ་ལྔ་རྣམས་ཀྱིས། །རྟག་ཏུ་ལུས་ཀྱི་ལྷ་རྣམས་མཆོད། །དེ་ནས་དེ་ཉིད་འདུས་པ་ཡི། །
D453.082.0291b07.01