完整藏文原文 · 德格版页 当前仅加载第 82 函德格 325a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི་བརྗོད་དུ་མེད་པའི་ཡང་བརྗོད་དུ་མེད་པའི་མཚུངས་པ་མེད་ཅིང་ཀུན་ལས་གོལ་བའི་དོན་ཏེ། གསང་བ་ཆེན་པོའི་ཚུལ་འདི་བསྟན་པའི་ཚེ། །སྤྱོད་པ་བླ་ན་མེད་པ་འདི་ཐོས་པའོ། །ལྷ་དང་མི་དང་ལྷ་མིན་དབང་པོ་དང་། །ཚངས་བརྩེགས་རྣམ་གྲོལ་འབྲས་
D453.082.0325a01.01བུ་རབ་ཏུ་ཐོབ། །གཙང་མ་ལྷ་རྣམས་བྱ་བ་རབ་ཏུ་དགའ། །དབང་པོ་ཚངས་པ་བར་སྣང་མཁའ་ལ་གནས། །བདེ་བར་གཤེགས་ལ་ཤིན་ཏུ་མཆོད་པར་བྱས། །བྱང་ཆུབ་སེམས་དཔའ་བྱེ་བ་མཐའ་ཡས་པ། །བར་སྣང་གནས་ཏེ་རབ་ཏུ་དགའ་གྱུར་ཅིང་། །ཆུ་ཡི་སྤྲིན་
D453.082.0325a02.01མེད་ཡིད་དུ་འོང་བ་དག །འགྲོ་བའི་དུག་སེལ་དྲི་ཞིམ་བདུག་པར་བྱེད། །ལྷ་ཡི་དབང་པོ་རབ་བསྒྱུར་རབ་དང་ཞི། །མཁའ་ལས་ལྷ་འཁོར་ཁྲག་ཁྲིག་དཔག་མེད་དང་། །རིམ་གྲོར་བཅས་པས་གོས་རྣམས་འཐོར་བར་བྱེད། །ཡིད་འོང་གོས་བརྒྱ་དག་གིས་གཏོར་བར་
D453.082.0325a03.01གྱུར། །འདོད་པར་སྤྱོད་པའི་ལྷ་ཡི་བུ་མོ་དག །རི་རབ་སུམ་ཅུ་རྩ་དྲུག་རྡུལ་ཕྲན་གྱི། །གྲངས་མཉམ་དག་གིས་དགྱེས་པའི་རོལ་མོས་མཆོད། །གཟུགས་ལ་སྤྱོད་པའི་ལྷ་ཡི་བུ་མང་པོ། །རི་རབ་སུམ་ཅུ་རྩ་དྲུག་རྡུལ་མཉམ་པས། །ཀུན་ནས་དེ་བཞིན་གཤེགས་པ་ལ་
D453.082.0325a04.01མཆོད་དེ། །རོལ་མོ་བརྡུང་བ་བྱེ་བ་ཁྲག་ཁྲིག་དག །རིག་པ་འཛིན་པའི་འཁོར་ལོ་དཔག་ཏུ་མེད། །དེ་སྙེད་གསང་བ་འཛིན་པའི་རྗེས་འབྲང་ཞིང་། །བྱང་ཆུབ་སེམས་དཔའ་རྣམ་པར་འཕྲུལ་པ་སྟོན། །ཨེ་མ་སྒྲ་དབྱངས་ཡན་ལག་ཀུན་འབྱུང་བ། །ཀུན་དུ་བཟང་པོའི་རྣམ་
D453.082.0325a05.01འཕྲུལ་དུ་མར་ཤར། །ཞིང་མཆོག་གཅིག་ན་བདེ་གཤེགས་བཞུགས་མཛད་པ། །ཞིང་རྣམས་དུ་མར་སྐུ་གཟུགས་རབ་ཏུ་བསྟན། །དེ་ཉིད་སངས་རྒྱས་སྟོང་ཕྲག་གཅིག་ཉིད་ལས། །སངས་རྒྱས་བྱེ་ཕྲག་སྟོང་ནི་གོང་དུ་བསྟན། །གསུང་གཅིག་གིས་ནི་རབ་ཏུ་གང་
D453.082.0325a06.01བསྟན་པ། །བསམ་ཡས་གང་གཱའི་ཀླུང་གི་བྱེ་སྙེད་དུ། །ཚུལ་རྣམས་མི་ཟད་ཆོས་སྒྲ་སྒྲོགས་པར་མཛད། །དེ་སྙེད་གསང་བ་མཆོག་འདི་རྒྱས་པར་བཀང་། །གང་དུ་ཡེ་ཤེས་རྡོ་རྗེ་མི་འབྱུང་བའི། །ཏིང་འཛིན་གཅིག་པ་ངེས་པར་བཞུགས་ནས་ནི། །ཆོས་ཀྱི་
D453.082.0325a07.01