完整藏文原文 · 德格版页 当前仅加载第 82 函德格 327b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ལ་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་གསང་བའི་ཡི་གེ་གསུམ་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དེ་བཞིན་གཤེགས་པ་དེ་དག་གི་གསང་ཆེན་གྱི་སྤྱོད་པ་རྡོ་རྗེ་
D453.082.0327b01.01གང་ཡིན་པ་འདི་ལ་དད་ཅིང་བསྒོམ་པར་འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་གསོལ་པ། གསང་བའི་ཡི་གེ་གང་ཞིག་ལགས། དཔལ་རྡོ་རྗེ་འཛིན་པས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་སྐུའི་གསང་
D453.082.0327b02.01བ་ཆེན་པོའི་རྡོ་རྗེ་དང་། དེ་བཞིན་གཤེགས་པ་ཐམས་ཅད་ཀྱི་གསུང་གི་གསང་བ་ཆེན་པོའི་རྡོ་རྗེ་དང་། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་གསང་བ་ཆེན་པོའི་རྡོ་རྗེ་སྟེ། དེ་དག་ཉིད་དོ། །དེ་ནས་དེ་བཞིན་གཤེགས་པ་དེ་དག་ཐམས་
D453.082.0327b03.01ཅད་ཀྱིས་བཅོམ་ལྡན་འདས་དཔལ་རྡོ་རྗེ་འཛིན་པ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་ཕྱག་འཚལ་ཞིང་འདུད་ནས་ཅང་མི་གསུང་བར་གྱུར་ཏོ། །དེ་ནས་རྒྱལ་པོ་རྡོ་རྗེ་འཛིན། །ཀུན་མཆོག་ཡེ་ཤེས་སྟོན་མཛད་པས། །དེ་བཞིན་གཤེགས་
D453.082.0327b04.01པ་ཀུན་གྱི་གནས། །གསང་བ་དམ་པ་བཀའ་སྩལ་ཏོ། །སངས་རྒྱས་ཀུན་གྱིས་མི་གསུངས་ཤིང་། །དོན་ཆེན་འབྲས་བུ་ལམ་གྱུར་པ། །དེ་བཞིན་གཤེགས་པ་གསང་བའི་རྒྱུད། །རྡོ་རྗེ་འཆང་གིས་སྦས་པ་ཉིད། །ཨུ་དུམ་བཱ་རའི་མེ་ཏོག་བཞིན། །འཇིག་
D453.082.0327b05.01རྟེན་དུ་ནི་རྙེད་དཀའ་བ། །ཀུན་གྱི་རྩ་བར་གྱུར་པའི་མདོ། །གསང་བ་འདུས་པ་ཆེན་པོ་ཡིན། །དབྱིངས་གྱུར་ཁམས་གསུམ་གསང་བ་ཆེ། །དེ་ཉིད་བདེ་བར་འགྱུར་བསམས་པ། །རྡོ་རྗེ་གསུམ་གྱི་གནས་མཚན་པས། །ཏིང་འཛིན་རྡོ་རྗེ་ཁྱུ་མཆོག་
D453.082.0327b06.01དགྱེས། །ཐབས་དང་ཤེས་རབ་དབྱེར་མེད་པ། །འདི་ནི་གང་ཞིག་གནས་བྱེད་པ། །བྱང་ཆུབ་སེམས་དཔའི་གྲགས་ཆེན་རྣམས། །ཞག་བདུན་གྱིས་ནི་ཕུན་ཚོགས་པའི། །སྐུ་གསུམ་དངོས་གྲུབ་འདིར་ཐོབ་འགྱུར། །བཅོམ་ལྡན་སྐུ་གསུང་ཐུགས་
D453.082.0327b07.01