完整藏文原文 · 德格版页 当前仅加载第 82 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
དཀར་མོ་བཅས་པ་ཡིས། །མེ་ཡི་ཁམས་ནི་བྱིན་བརླབས་པས། །བག་ཆགས་དེ་ནི་སྲེག་བྱེད་ཅིང་། །རྡོ་རྗེ་དབང་དུ་སྡུད་པར་བྱེད། །ལྷ་མོ་སྒྲོལ་མའི་གཟི་བརྗིད་ཀྱིས། །རླུང་གི་ཁམས་ནི་བྱིན་བརླབས་པས། །ཐམས་ཅད་སྐྲོད་པའི་ལས་བྱེད་དོ། །རྡོ་རྗེ་མངོན་སྤྱོད་ཆེར་སྤྱོད་དོ། །ལྷ་མོ་
D453.082.0315b01.01གཟུགས་ཀྱི་རྡོ་རྗེ་མ། །སྨིག་རྒྱུ་ལྟ་བུར་མཐོང་བར་བྱེད། །ལྷ་མོ་སྒྲ་ཡི་རྡོ་རྗེ་མ། །དུ་བ་ལྟ་བུར་འཆར་བར་བྱེད། །ལྷ་མོ་དྲི་ཡི་རྡོ་རྗེ་མ། །སྐར་མ་སྲིན་བུ་མེ་ཁྱེར་འཆར། །ལྷ་མོ་རོ་ཡི་རྡོ་རྗེ་ལ། །མར་མེ་འབར་བ་ལྟར་གསལ་ཞིང་། །ལྷ་མོ་རེག་བྱ་རྡོ་རྗེ་མ། །ཐམས་ཅད་སྟོང་པའི་ཆོས་ཉིད་ལ། །
D453.082.0315b02.01ནམ་མཁའ་ཁམས་ནི་བབས་གྱུར་པས། །བདེ་བ་ཆེན་པོའི་ཡེ་ཤེས་སྐྱེ། །དེ་ཡི་མིག་གི་རྣམ་ཤེས་ལ། །ས་ཡི་སྙིང་པོས་བྱིན་བརླབས་པས། །གཟུགས་ཀྱི་དངོས་པོ་སྣ་ཚོགས་དང་། །ལྐོག་ཏུ་གྱུར་པའི་རྫས་རྣམས་མཐོང་། །དེ་ཡི་རྣ་བའི་རྣམ་ཤེས་ལ། །ལག་ན་རྡོ་རྗེས་བྱིན་
D453.082.0315b03.01བརླབས་པས། །ཕྲ་རགས་སྒྲ་རྣམས་ཐོས་པ་དང་། །ལུང་བསྟན་པ་ཡང་ཐོབ་པར་འགྱུར། །དེ་ཡི་སྣ་ཡི་རྣམ་ཤེས་ལ། །ནམ་མཁའི་སྙིང་པོས་བྱིན་བརླབས་པས། །སྣ་ཚོགས་དྲི་རྣམས་ཚར་བ་དང་། །སྣ་རྩེའི་འོད་ཟེར་ཚོགས་མཐོང་འགྱུར། །དེ་ཡི་ལྕེ་ཡི་རྣམ་ཤེས་ལ། །འཇིག་
D453.082.0315b04.01རྟེན་དབང་ཕྱུག་གིས་བྱིན་བརླབས། །ལྷ་ཡི་བདུད་རྩི་མྱོང་བྱེད་ཅིང་། །གསུང་དབྱངས་སྙན་པ་སྣ་ཚོགས་འབྱུང་། །དེ་ཡི་ལུས་ཀྱི་རྣམ་ཤེས་ལ། །སྒྲིབ་པ་སེལ་བས་བྱིན་བརླབས་པས། །འཇིག་རྟེན་ཁམས་ནི་གསུམ་དག་གི། །རེག་བྱའི་ཁྱད་པར་མཆོག་རྣམས་ཐོབ། །དེ་ཡི་
D453.082.0315b05.01ཡིད་ཀྱི་རྣམ་ཤེས་ལ། །ཀུན་དུ་བཟང་པས་བྱིན་བརླབས་པས། །དུས་གསུམ་ཤེས་པའི་ཡེ་ཤེས་ནི། །ཞག་གསུམ་ལོན་པ་བཞིན་དུ་དྲན། །དེ་ཡི་ཡིད་ལ་ཁྱབ་བྱེད་པར། །བྱམས་པ་མགོན་པོས་བྱིན་བརླབས་པས། །ཉོན་མོངས་ཡེ་ཤེས་གྱུར་ནས་ཀྱང་། །རྟོག་པ་མེད་པར་འགྲོ་
D453.082.0315b06.01ཞིང་ལྡིང་། །དེ་ཡི་ཀུན་གཞིའི་རྣམ་ཤེས་ལ། །འཇམ་པའི་དབྱངས་ཀྱིས་བྱིན་བརླབས་པས། །ལུས་ཀྱི་ཆ་ཤས་གཡོ་འགྱུར་ཞིང་། །མཁའ་ལ་སྤྱོད་པ་ཉིད་དུ་འགྲོ། །སྐུ་ནི་སྣང་བ་སྒྱུར་བར་བྱེད། །གསུང་ནི་གྲག་པ་སྔགས་སུ་བརྗོད། །ཐུགས་ཀྱི་སྙིང་པོ་རབ་བསྐུལ་པས། །སྲོག་རྩོལ་
D453.082.0315b07.01