完整藏文原文 · 德格版页 当前仅加载第 82 函德格 327a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་ཀྱི་གསང་བ་མི་ཟད་པའི་ཚུལ་འདི་གསུངས་སོ། །གསང་བ་སྤྲོས་མེད་འགྱུར་བ་མེད་པའི་ངང་། །ཀུན་དུ་མ་སྐྱེས་སྐྱེ་མེད་དགའ་བའི་དབྱིངས། །བདེ་ཆེན་རོ་
D453.082.0327a01.01མཉམ་རྒྱལ་བ་ཀུན་གྱི་གནས། །ཆོས་ཀུན་རང་བཞིན་ཡོངས་སུ་མཉམ་པ་ཉིད། །མངོན་པར་ཆགས་མེད་མི་གནས་ཡེ་ཤེས་ལས། །རློམ་སེམས་མེད་པའི་ཆོས་ཉིད་སྐྱེ་བ་མེད། །ཡེ་ཤེས་ཆོས་ཀྱི་སྒོ་ཡི་ཏིང་ངེ་འཛིན། །ནམ་མཁའི་ཆོས་ཉིད་འབྱམ་ཀླས་ཐོགས་
D453.082.0327a02.01མེད་པ། །བྱང་ཆུབ་སེམས་ལྡན་བདེ་གཤེགས་སྤྱོད་ཡུལ་ཅན། །རྡོ་རྗེ་ལྟ་བུའི་གནས་ལས་བསྟན་པ་དང་། །ཕྱིར་མི་ལྡོག་པ་ཡེ་ཤེས་འབྱུང་གནས་ཉིད། །ཐམས་ཅད་མཁྱེན་པ་ཚད་མེད་འབྲས་བུའི་ཡུལ། །གྲངས་མེད་གཞལ་དུ་མེད་པའི་དོན་འབྱུང་བའོ། །
D453.082.0327a03.01འདི་དག་ཀྱང་ཇི་ལྟར་རྟོགས་པར་བྱ་བ་ཡིན་ཞེ་ན། རྣམ་པར་འཕྲུལ་པའི་ས་ཁོང་དུ་ཆུད་པ། འཇིག་རྟེན་གྱི་ཁམས་ཐམས་ཅད་ཀྱི་རྗེས་སུ་སོང་ཞིང་རྗེས་སུ་ཆགས་པ་མེད་པར་སྤྱོད་པ། ཉོན་མོངས་པ་མེད་པའི་ཆོས་ཀྱི་ཚུལ་ལ་ཆོས་སུ་རྟོགས་པས་གནས་པ་མེད་
D453.082.0327a04.01པ་སེམས་བསྐྱེད་པ་ཤིན་ཏུ་ཡངས་པས་རྣམ་པར་ཐར་པའི་སྒོ་དུ་མར་རབ་ཏུ་ཐོབ་པ། ཡེ་ཤེས་གཅིག་ནས་གཅིག་ཏུ་བརྒྱུད་པའི་རྒྱུད་ལ་མཁས་པ། དོན་གཅིག་ནས་གཅིག་ཏུ་བསྟན་པ་རབ་ཏུ་འཇུག་པ་བླ་ན་མེད་པའི་ཡེ་ཤེས་དམ་པའི་སྤྱོད་ཡུལ་ཡིན་པར་རིག་
D453.082.0327a05.01པར་བྱའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་ཕྱག་ན་རྡོ་རྗེ་དེ་བཞིན་གཤེགས་པའི་བདག་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་བ་ཆེན་པོའི་རྒྱུད་འདིར་གསང་བའི་ཡི་གེ་དེ་དང་ལྡན་ན་བྱང་ཆུབ་སེམས་
D453.082.0327a06.01དཔའ་སེམས་དཔའ་ཆེན་པོ་དེ་དག་དེ་བཞིན་གཤེགས་པ་ཐམས་ཅད་ཀྱི་གསང་བའི་དམ་ཚིག་གི་སྤྱོད་པའི་རྡོ་རྗེ་འདི་ལ་དད་ཅིང་བསྒོམ་པར་འགྱུར། དེ་སྐད་ཅེས་གསོལ་པ་དང་། དེ་ནས་དེ་བཞིན་གཤེགས་པ་ཐམས་ཅད་ཀྱི་རྒྱལ་པོ་རྡོ་རྗེ་འཛིན་པས་
D453.082.0327a07.01