完整藏文原文 · 德格版页 当前仅加载第 82 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ཀུན་ལ་ཁྱབ་པར་བྱ། །དེ་ཉིད་གསང་བ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རིན་པོ་ཆེའི་འོད་སངས་རྒྱས་ཐམས་ཅད་ཀྱི་འཇིག་རྟེན་སྣང་བར་བྱེད་པ་རེ་རེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །
D453.082.0172b01.01འོད་གསལ་ཤིན་ཏུ་རྣམ་དག་པ། །དངོས་པོ་མ་སྤངས་ཡེ་ཤེས་ཆེ། །ཆོས་དབྱིངས་ཀློང་ན་བདེ་བར་གནས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐུབ་པ་དཔལ་གྱི་འོད་སངས་རྒྱས་ཐམས་ཅད་ཀྱི་ཐུགས་རྗེའི་གདུགས་ཀྱིས་ཁྱབ་པར་བྱེད་
D453.082.0172b02.01པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །སྐྱེ་བས་བསྡུས་པའི་སེམས་ཅན་རྣམས། །སྐྱོབ་ཕྱིར་ཚད་མེད་གདུགས་ཀྱིས་ནི། །ཀུན་ནས་ཀུན་དུ་ཁྱབ་པར་བྱེད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་
D453.082.0172b03.01སོ། །དེ་ནས་དེ་བཞིན་གཤེགས་པ་བདུད་འདུལ་བར་མཛད་པ་སངས་རྒྱས་ཐམས་ཅད་ཀྱིས་བདུད་མ་ལུས་པ་འཇོམས་པ་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ལོག་ལྟ་མ་ལུས་མུན་པའི་གཞི། །སངས་རྒྱས་ཡེ་ཤེས་སྒྲོན་
D453.082.0172b04.01མེ་ཡིས། །སྐད་ཅིག་གཅིག་ལ་སེལ་མཛད་པའི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གོ་ཆ་བགོས་པ་སངས་རྒྱས་ཐམས་ཅད་ཀྱི་རྡོ་རྗེ་མཆོག་ཏུ་སྲ་བ་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་
D453.082.0172b05.01འདི་གསུངས་སོ། །ཡན་ལག་བཞི་ལྡན་མཚོན་ཆ་མཆོག །དེ་ཉིད་བསྲུང་བ་བླ་ན་མེད། །ཕ་རོལ་རྒོལ་བ་བཟློག་པ་པོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སེང་གེའི་ཕྱག་སངས་རྒྱས་ཐམས་ཅད་ཀྱི་ཁ་ལོ་སྒྱུར་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D453.082.0172b06.01ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཕྱག་རྒྱ་སྣ་ཚོགས་ཐབས་རོལ་པ། །འབར་ཕྲེང་དུ་མའི་སྤྲོ་བ་ཅན། །མི་ཟད་ཡེ་ཤེས་བྱང་ཆུབ་སེམས། །སྟོང་ཉིད་དེ་ཉིད་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མེ་ཏོག་བཟང་པོ་སངས་
D453.082.0172b07.01