完整藏文原文 · 德格版页 当前仅加载第 82 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །གང་དུ་བྱང་ཆུབ་མཆོག་གནས་པ། །རྒྱལ་བ་བྱེ་བ་ཁྲག་ཁྲིག་གིས། །བསྔགས་པས་ཡིད་འོང་ཚིག་གཅིག་ཏུ། །བྱང་ཆུབ་ཚུལ་འདི་ལེགས་བསྟན་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་ཤིན་ཏུ་བསིལ་བ་སངས་རྒྱས་ཐམས་ཅད་
D453.082.0258a01.01ཀྱི་འགྲོ་བའི་སྨན་གྱི་སྙིང་པོ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དྲི་མེད་ཞི་བའི་ངོ་བོ་ཉིད། །རྣམ་པ་ཀུན་ཏུ་འགྲོ་བ་ཡི། །དྲི་མ་སེལ་མཛད་སྨན་ཆེན་པོ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །ཆོས་
D453.082.0258a02.01རྣམས་ཡིད་ལ་བྱེད་པ་ཀུན་བྲལ་བའི། །གཟུགས་ཅན་མ་ཡིན་དངོས་པོར་མ་གྲུབ་པ། །སྟོང་པ་གཅིག་པུར་མི་གནས་མཉམ་པ་ཉིད། །ཆོས་ཉིད་བདག་མེད་འདི་ནི་རྟོགས་པར་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་
D453.082.0258a03.01བ་འདུས་པ་དཔལ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་དེ་བཞིན་ཉིད་ཡིད་ལ་བྱེད་པ་མེད་པར་སྟོན་པ་རྡོ་རྗེའི་ལེའུ་སྟེ་དྲུག་ཅུ་གཅིག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཚངས་པ་རྒྱལ་བ་སངས་
D453.082.0258a04.01རྒྱས་ཐམས་ཅད་ཀྱི་རབ་ཏུ་ཞི་བ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཕྱི་རོལ་གྱི་ནི་ཕྱོགས་མེད་ཅིང་། །སེམས་ལས་གྱུར་པ་མ་གཏོགས་པར། །དངོས་པོ་གཞན་ཡོད་མ་ཡིན་ཏེ། །བྱང་ཆུབ་ཚུལ་འདི་བསྟན་པའོ། །
D453.082.0258a05.01ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་དགྱེས་སངས་རྒྱས་ཐམས་ཅད་ཀྱི་རྟོག་གེ་བའི་ཡུལ་ལས་འདས་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ཉིད་དངོས་དང་དངོས་མེད་ཀྱི། །མཚན་མའི་ཆོས་ལས་
D453.082.0258a06.01ཡོངས་གྲོལ་བ། །རྣམ་པར་ཐར་པའི་དོན་བསྟན་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྫུ་འཕྲུལ་རྟོགས་སངས་རྒྱས་ཐམས་ཅད་ཀྱི་རྟག་མེད་ཞི་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །
D453.082.0258a07.01