完整藏文原文 · 德格版页 当前仅加载第 82 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་གསུངས་སོ། །འཁོར་དང་མྱ་ངན་འདས་པ་ཡི། །སྤྱི་དང་རང་གི་མཚན་ཉིད་རྣམས། །ངོ་བོ་ཉིད་དག་རབ་སྟོན་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དག་པའི་རྒྱ་མཚོས་སངས་རྒྱས་ཐམས་
D453.082.0249a01.01ཅད་ཀྱི་རྣམ་པར་གྲོལ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་པར་དབེན་དོན་ཀུན་ཤེས་པས། །བསམ་གཏན་བདེ་ལ་མ་ཞེན་ཅིང་། །ཁྱད་པར་བྱང་ཆུབ་སེམས་དཔའ་ཆོས། །བྱང་ཆུབ་ཚུལ་འདི་བསྟན་པའོ། །
D453.082.0249a02.01ཞེས་གསུངས་སོ། །དེ་ནས་དེ་བཞིན་གཤེགས་པ་རིན་ཆེན་མངའ་བས་སངས་རྒྱས་ཐམས་ཅད་ཀྱི་རྣམ་པར་གྲོལ་བ་དགྱེས་པའི་ཚུལ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དང་དུ་བླང་བ་རློམ་སེམས་མེད། །གང་དུ་ཆོས་དབྱིངས་
D453.082.0249a03.01ངང་འཇུག་པ། །གཅིག་དང་དུ་མར་དམིགས་པས་གྲོལ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྟོགས་པ་མི་མངའ་བས་སངས་རྒྱས་ཐམས་ཅད་ཀྱི་རྣམ་པར་གྲོལ་བ་གཉིས་སུ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་
D453.082.0249a04.01ཏེ་བྱང་ཆུབ་ཀྱི་སེམས་འདི་གསུངས་སོ། །བྲལ་བ་མེད་ཅིང་མི་ཤིགས་པ། །འཁྲུག་མེད་བྱེ་བྲག་མ་སྦངས་ནས། །འདྲེན་པ་ཆོས་ཀྱི་གཏེར་གྱུར་བ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །འདི་ནི་གཞལ་ཡས་ཁང་མིན་ཡུལ་ནི་དབང་པོ་མིན་ཅིང་འབྱུང་
D453.082.0249a05.01སོགས་མིན། །གཟུགས་ལ་སོགས་པ་མ་ཡིན་སྲོག་གནས་མིན་ཞིང་མིར་གྱུར་འདི་ནི་རྒྱལ་བ་སྟེ། །འཁོར་ལོའི་གཙོ་ཡི་ཆོས་ཉིད་ཡིན་ཏེ་དེས་ནི་དཀྱིལ་འཁོར་དུ་མར་སྤྲུལ། །ཁམས་གསུམ་འདི་ན་སྣ་ཚོགས་འཁོར་ལོར་ཤེས་ན་སེམས་ནི་ཅི་སྟེ་འཁྲུལ་བར་བྱེད། །དེ་བཞིན་
D453.082.0249a06.01གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་རིགས་ཀྱི་དཀྱིལ་འཁོར་འབྱུང་གནས་རྡོ་རྗེ་ཞེས་བྱ་བའི་ལེའུ་སྟེ་ལྔ་བཅུ་འདུན་པའོ།། །།དེ་ནས་བཅོམ་ལྡན་
D453.082.0249a07.01