完整藏文原文 · 德格版页 当前仅加载第 82 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
སྐར་མའི་འོད་སངས་རྒྱས་ཐམས་ཅད་ཀྱི་ཡེ་ཤེས་རྣམས་པ་ཐམས་ཅད་མཁྱེན་པ་རྡོ་རྗེའི་ཏིང་ངེ་འཛིན་ལ་སྙོམས་པ་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཀུན་དུ་རྟོག་པས་མ་བརྟགས་པ། །དྲན་པས་ཡིད་ལ་བྱེད་པ་བྲལ། །རབ་ཏུ་མི་གནས་པ་ཡི་ཡོད། །དམིགས་
D453.082.0223b01.01པ་མེད་པའི་བདག་ཉིད་ཅན། །གང་དུ་དམིགས་མེད་སྐྱེ་བ་མེད། །རྟེན་འབྲེལ་དག་པ་རང་བྱུང་བ། །ལྷུན་གྲུབ་ངང་ལས་མ་གཡོས་པའི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་འདི་ནི་གསུངས་ཙམ་གྱིས། །རིགས་ཀྱི་དེ་བཞིན་གཤེགས་པའི་
D453.082.0223b02.01ཚོགས། །སྣ་ཚོགས་མཆོད་ཅིང་བསྟོད་བྱས་ན། །ཡེ་ཤེས་མཆོག་གི་གཉེན་གྱིས་གསུངས། །དེ་བཞིན་གཤེགས་པ་རིགས་བརྒྱ་ཡིས། །རེ་རེས་བརྒྱ་ཕྲག་བཅུ་ཡི་བར། །དེ་ལྟར་སྟོང་ཕྲག་བརྒྱ་དག་གིས། །འབུམ་དུ་བཟླས་པ་ཡིན་པར་བརྗོད། །བདག་ཉིད་
D453.082.0223b03.01མི་བསྐྱོད་པར་བྱས་ཏེ། །རྡོ་རྗེ་རིགས་ཀྱི་དཀྱིལ་འཁོར་པ། །སངས་རྒྱས་ལྔ་དང་ཡུམ་བཞི་དང་། །སེམས་དཔའ་དྲུག་དང་ལྷ་མོ་ལྔ། །ཁྲོ་བོའི་རྒྱལ་པོ་ལྡས་བསྡུས་ཏེ། ཉི་ཤུ་པ་ཡི་བདག་ཉིད་ཀྱིས། །གསལ་བའི་དཀྱིལ་འཁོར་དབུས་གནས་པར། །རྡོ་རྗེ་འབར་
D453.082.0223b04.01བ་རབ་བསྒོམས་ཏེ། །དེ་ལས་སྤྲོ་དང་བསྡུ་བྱས་པའི། །བཟླས་པ་སྟོང་ཕྲག་ཉི་ཤུ་བས། །ཞེ་སྡང་རྡོ་རྗེའི་བསམ་གཏན་བསྡུས། །དེ་ལྟར་འཁོར་ལོ་ནོར་བུ་དང་། །པདྨ་རལ་གྲིའི་བར་དུ་ཡང་། །རེ་རེའི་སྔགས་ཀྱི་དོན་བསྒོམ་པ། །གསལ་བའི་དཀྱིལ་འཁོར་དབུས་གནས་
D453.082.0223b05.01ཏེ། །སྤྲོ་བ་དང་ནི་བསྡུ་བ་ཡིས། །གཏི་མུག་ང་རྒྱལ་འདོད་ཆགས་དང་། །ཕྲག་དོག་དག་པའི་དཀྱིལ་འཁོར་ལས། །རིགས་ནི་བཞི་པོ་ཀུན་ལ་ཡང་། །སྟོང་ཕྲག་ཉི་ཤུ་ཕྲག་བཞི་ཡིས། །ཁྲི་ཕྲག་བཅུར་ནི་བཟླས་བྱས་པས། །བསྙེན་པ་ཉེ་བར་བསྒྲུབ་པ་ཡི། །བཟླས་
D453.082.0223b06.01བ་གསང་སྔགས་ཚུལ་བསྟན་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་པའི་རྒྱུད་ལས་གསང་ཆེན་ཐུན་མོང་མ་ཡིན་པའི་རབ་ཏུ་བྱེད་པ་བསྟན་པའི་ལེའུ་སྟེ་
D453.082.0223b07.01