完整藏文原文 · 德格版页 当前仅加载第 82 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
མ་གྲུབ་པས། །མི་རྟག་གཡོ་བ་དངོས་ལ་ནི། །བདེན་པ་དམིགས་སུ་མེད་པ་སྟེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཀླུའི་སྦྱིན་པས་སངས་རྒྱས་ཐམས་ཅད་ཀྱི་སྙིང་རྗེས་བསྙེལ་བ་མེད་པ་ཞེས་བྱ་བའི་ཏིང་ངེ་འཛིན་ལ་
D453.082.0127b01.01སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ནི་དྲི་མར་བཅས་པ་དག །བག་ཆགས་རྟོགས་པས་རབ་དཀྲུགས་པ། །ས་ལེར་བཞག་པས་རང་དངས་འགྱུར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་
D453.082.0127b02.01དེ་བཞིན་གཤེགས་པ་བརྟན་པར་གཤེགས་པས་འགྲོ་བའི་བློ་རང་ཆགས་པ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རང་འབྱུང་ཡེ་ཤེས་ནམ་མཁའ་ནི། །ཐ་སྙད་རྣམས་ལས་ཡོངས་གྲོལ་བ། འཆར་བ་
D453.082.0127b03.01མེད་ཅིང་ནུབ་པ་མེད། བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དོན་ཡོད་མཐོང་བས་སངས་རྒྱས་ཐམས་ཅད་ཀྱི་ཡེ་ཤེས་རབ་ཏུ་རྒྱས་པའི་ཉི་མའི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D453.082.0127b04.01ཏེ་བྱང་ཆུབ་ཀྱི་སེམས་འདི་གསུངས་སོ། །དད་དང་ལྡན་པའི་སྐྱེ་བོ་ནི། ཤེས་རབ་སྣང་བ་རབ་བསྐུལ་ནི། མུན་པ་ལ་ནི་སྣང་བ་བཞིན། བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་བརྩོན་འགྲུས་སྦྱིན་པས་སངས་
D453.082.0127b05.01རྒྱས་ཐམས་ཅད་ཀྱི་རི་རབ་བརྩེགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་རྟོག་དྲི་མ་སྤངས་ཞིང་གསལ་བ་ཡི། །ཀུན་ནས་ཀུན་དུ་འཇུག་པའི་ཡིད་དག་ཀྱང་། །རྒྱུན་ལས་བཟློག་ན་རང་བཞིན་མེད་པར་འགྲོ། །ངེས་པར་
D453.082.0127b06.01གསང་བ་བྱང་ཆུབ་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་བཟང་སྐྱོང་གིས་འགྲོ་བ་ཐམས་ཅད་ཀྱི་མུན་པ་སེལ་བའི་སྒྲོན་མ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་པར་མི་དམིགས་
D453.082.0127b07.01