完整藏文原文 · 德格版页 当前仅加载第 82 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་གར་ཡང་དག་ཡོངས་གསོལ་བར། །མཚན་མའི་རྟོག་པ་ནུས་གྱུར་པས། །ཡིད་བཅིངས་པས་ནི་ཕྱི་རོལ་དུ། །ཉོན་མོངས་དྲི་མས་མི་གོས་པ། །སྤངས་པ་རྣམ་དག་ལམ་གནས་པས། །ཉོན་མོངས་བདུད་ནི་བཅོམ་པའི་ཕྱིར། །
D453.082.0289a01.01མཉམ་པ་ཉིད་དུ་བཞུགས་པ་ལས། །རྣམ་པར་བསྐྱོད་པ་མི་མངའ་བའོ། །མགྲིན་པར་ལོངས་སྤྱོད་ཡོངས་གྲུབ་པས། །རླུང་བཅིངས་པས་ནི་རོ་དྲུག་ལ། །ལོངས་སྤྱོད་བཀྲེས་རྒུད་མི་མངའ་བ། །གནོད་པ་སྣ་ཚོགས་ཟིལ་གནོན་ཅིང་། །ཡན་ལག་
D453.082.0289a02.01དྲུག་ཅུའི་དབྱངས་འབྱུང་ཞིང་། །ཕུང་པོའི་བདུད་ལས་རྒྱལ་བས་ནི། །མདངས་དང་འོད་ཟེར་ལྷག་པར་འབྱིན། །རླུང་འབོག་ཟག་མེད་གནས་ཐོབ་པའོ། །སྤྱི་བོ་གཙུག་ཏོར་འབྱུང་གནས་དེར། །ཐིག་ལེ་འགྱུར་བ་མེད་བརྟན་པས། །འཆི་བདག་བདུད་ལས་
D453.082.0289a03.01རྒྱལ་བ་སྟེ། །དགེ་བ་ཡེ་ཤེས་དྲི་མེད་ལམ། །མཐར་ཕྱིན་རྣམ་པར་རོལ་པ་ཡི། །གསང་བ་བསམ་གྱིས་མི་ཁྱབ་པ། །བཅིངས་པ་མེད་ཅིང་གྲོལ་མེད་ལ། །འགྱུར་བ་མེད་པར་བཞུགས་པའོ། །ཉི་ཁྲི་དང་ནི་ཆིག་སྟོང་དང་། །དྲུག་བརྒྱ་བཅས་པས་རླུང་དག་ན། །
D453.082.0289a04.01ཐམས་ཅད་དབུ་མར་ཐིམ་པ་ནི། །མི་གནས་མྱ་ངན་འདས་པ་ཐོབ། །སྟེང་དང་འོག་ཏུ་རྒྱུ་བའི་རླུང་། །ཁ་སྦྱོར་དུ་ནི་གྱུར་པ་ལས། །སྦྱོར་བ་དེ་ལ་གོམས་བྱེད་ན། །དེས་ནི་འོད་གསལ་གོ་འཕང་གནས། །གང་གི་རྣལ་འབྱོར་
D453.082.0289a05.01སྤངས་པ་དང་། །རླུང་གི་རྣལ་འབྱོར་སྤོང་བྱེད་པ། །དེས་ནི་བདེ་བ་མི་འཐོབ་ཅིང་། །སྐྱེས་བུ་ཐ་ཤལ་དེ་དག་བརླག །དུས་ཀུན་དུ་ནི་གཡོ་བ་ཡི། །རླུང་ལ་རྣམ་པར་གོམས་པས་ནི། །ལུས་སེམས་གནས་རྣམས་བྱིན་བརླབས་ཕྱིར། །ཀུན་དུ་སོན་པར་གྱུར་པའོ། །དེ་ལས་བདེ་དང་སྡུག་བསྔལ་
D453.082.0289a06.01དང་། །མཐོ་རིས་ངན་སོང་གར་འཇུག་པ། །ལུས་ཀྱི་སྒོ་ནས་འཕོ་བ་ཉིད། །རང་དབང་དུ་ནི་འབྱུང་བར་བསྟན། །སྙིང་གའི་རྩ་ཡི་ཡན་ལག་ནི། །བརྒྱད་པོ་བཀྲ་ཤིས་ཡན་ལག་གྱུར། །དེ་ཉིད་ལྷ་མོ་ལུས་གནས་པས། །དཔལ་བེའུ་ལ་སོགས་མཛེས་པར་བྱེད། །
D453.082.0289a07.01