完整藏文原文 · 德格版页 当前仅加载第 82 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་ཀྱི་སེམས་འདི་གསུངས་སོ། །བདག་ཉིད་བྱང་ཆུབ་ཆེན་པོ་རུ། །རིང་བའི་ཆོས་དག་མངོན་གྱུར་པས། །ཕྱིར་མི་ལྡོག་པའི་སེམས་ཐོབ་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མི་གཡོ་
D453.082.0251a01.01བས་སངས་རྒྱས་ཐམས་ཅད་ཀྱི་ཡང་དག་བའི་འཚོ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལུས་ངག་ཡིད་གསུམ་གཞན་དོན་དུ། །ངེས་པར་སྔོ་བ་བླ་ན་མེད། །ཡང་དག་དོན་ལ་རྒྱུན་སྤྱོད་པའི། །བྱང་ཆུབ་ཚུལ་
D453.082.0251a02.01འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཕན་པ་དང་ལྡན་པར་གཤེགས་པས་སངས་རྒྱས་ཐམས་ཅད་ཀྱི་ཡང་དག་པར་རྩོལ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཤིན་ཏུ་ངེས་པར་གཞན་གྱི་
D453.082.0251a03.01དོན། །དངོས་དང་བརྒྱུད་པས་མཛད་པ་པོ། །རོ་མཉམ་ཡེ་ཤེས་རོལ་པ་ནི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བསོད་ནམས་སྟོབས་ཀྱིས་སངས་རྒྱས་ཐམས་ཅད་ཀྱི་ཡང་དག་པའི་དྲན་པ་རྡོ་རྗེའི་ཏིང་ངེ་འཛིན་ལ་
D453.082.0251a04.01སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཐུགས་རྗེས་ཁྱད་པར་ཡུལ་གྱུར་པ། །བདེ་བ་ཉམས་པ་མེད་པ་དང་། །བསྟན་པ་སྙིང་པོ་འདྲེན་པ་པོ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྒྲོན་མའི་རྒྱལ་
D453.082.0251a05.01པོས་སངས་རྒྱས་ཐམས་ཅད་ཀྱི་ཡང་དག་པའི་ཏིང་ངེ་འཛིན་རྡོ་རྗེའི་མཆོག་ཏུ་དགའ་བའི་ཏིང་ངེ་འཛིན་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཕྲ་རགས་རྟོག་པ་མ་ལུས་པ། །ཆོས་ཀྱི་དབྱིངས་སུ་ནུབ་ནས་ནི། །ཟུང་འཇུག་ཆོས་སྤྱོད་དང་གནས་པས། །
D453.082.0251a06.01བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོའི་ཡེ་ཤེས་ཀྱི་སྣང་བ་མི་ཟད་པས་དུས་གསུམ་དུ་རྒྱུན་མི་འཆད་ཅིང་ཕྱོགས་བཅུ་ཀུན་ཏུ་ཁྱབ་པའི་དཀྱིལ་འཁོར་གྱི་འཁོར་ལོ་མ་ལུས་ཤིང་ལུས་པ་
D453.082.0251a07.01