完整藏文原文 · 德格版页 当前仅加载第 82 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྒྱལ་མཚན་གྱིས་དེ་བཞིན་གཤེགས་པ་ཐམས་ཅད་ཀྱི་དགའ་བ་ཆེན་པོ་ཡང་དག་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་སྐུ་དེ་བཞིན་ཉིད་ཡིན་ཏེ། །ལོངས་སྤྱོད་རྫོགས་སྐུ་བདེ་ཆེན་བརྗོད། །སྤྲུལ་སྐུ་སྣ་ཚོགས་འགྲོ་
D453.082.0125b01.01དོན་བྱེད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་སྒྲ་གཅན་ཡེ་ཤེས་ཀྱི་སྙིང་པོས་དེ་བཞིན་གཤེགས་པ་ཐམས་ཅད་ཀྱི་བཏང་སྙོམས་ཚད་མེད་པ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D453.082.0125b02.01ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྐུ་གསུམ་གཅིག་ཏུ་བསྡུས་པ་ནི། །ཐ་དད་རྟོག་པ་སྤང་བའི་ཕྱིར། །སྙིང་པོ་ཡེ་ཤེས་གྱུར་པ་སྟེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཚོགས་ཅན་
D453.082.0125b03.01འོད་ཀྱིས་དེ་བཞིན་གཤེགས་པ་ཐམས་ཅད་ཀྱི་བུམ་པ་བཟང་པོ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གསང་བ་བླ་མེད་ཁྱད་པར་བ། །ཟུང་འཇུག་འབྲས་བུ་རབ་གྱུར་པས། །རིམ་གཉིས་གཅིག་ཏུ་སྦྱོར་བ་ཉིད། །བྱང་ཆུབ་
D453.082.0125b04.01ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཚངས་པའི་དབྱངས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཁང་{བཟངས་,བཟང་}བཀོད་པ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0125b05.01སོ། །སྙིང་པོ་ཀུན་དུ་བསྐུལ་པ་ནི། །ཡེ་ཤེས་སྒྱུ་མའི་རྣམ་འཕྲུལ་པས། །མྱུར་དུ་མངོན་པར་འཚང་རྒྱའི་ལམ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཚིག་བསྟན་གྱིས་དེ་བཞིན་གཤེགས་པ་ཐམས་
D453.082.0125b06.01ཅད་ཀྱི་དྲན་པ་ཡང་དག་པར་སྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བྱང་ཆུབ་སེམས་ཀྱི་ཡི་གེ་གསུམ། །སྤྲོ་དང་བསྡུ་བ་མི་བྱེད་པས། །བསྐུལ་བ་ཕྲིན་ལས་སྤྱོད་པ་མིན། །བྱང་ཆུབ་ཚུལ་འདི་བསྟན་པའོ། །
D453.082.0125b07.01