完整藏文原文 · 德格版页 当前仅加载第 6 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་དོ་སྙམ་པས་ཉན་ཐོས་རྣམས་ཀྱང་དེ་ལ་ཚུལ་ཁྲིམས་ཀྱི་སྒོ་ནས་རྗེས་སུ་བསྲུང་བ་བྱ་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ལས་ཚུལ་ཁྲིམས་རྗེས་སུ་སྲུང་བར་རེ་བར་བྱེད་དེ། འདི་ནི་འཇིག་རྟེན་ན་ཡོད་ཅིང་སྲིད་པའི་སྟོན་པ་དང་པོ་ཡིན་ནོ། །གཞན་ཡང་འདི་ན་སྟོན་པ་
D3.006.0002b01.01གཅིག་ནི་འཚོ་བ་ཡོངས་སུ་མ་དག་བཞིན་དུ་བདག་གི་འཚོ་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས་སྟོན་པ་ཤེས་ལྡན་འདི་ནི་འཚོ་བ་ཡོངས་སུ་མ་དག་བཞིན་དུ་བདག་གི་འཚོ་བ་ཡོངས་སུ་དག་ཅིང་
D3.006.0002b02.01ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གལ་ཏེ་གཞན་ལ་བརྗོད་པར་གྱུར་ན་དེས་འདི་ཡིད་མི་དགའ་བར་འགྱུར་བས་བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་དུ་སྤྱད་པས་ཅི་བྱ་སྟེ། སྟོན་པ་ཤེས་
D3.006.0002b03.01ལྡན་འདི་རང་ཉིད་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་སེམས་པར་བྱེད་དོ་སྙམ་པས་ཉན་ཐོས་རྣམས་ཀྱང་དེ་ལ་འཚོ་བའི་སྒོ་ནས་རྗེས་སུ་བསྲུང་བ་བྱ་བར་
D3.006.0002b04.01སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ལས་འཚོ་བ་རྗེས་སུ་སྲུང་བ་རེ་བར་བྱེད་དེ། འདི་ནི་འཇིག་རྟེན་ན་ཡོད་ཅིང་སྲིད་པའི་སྟོན་པ་གཉིས་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་ཤེས་པ་དང་མཐོང་བ་ཡོངས་སུ་མ་དག་བཞིན་དུ་བདག་གི་ཤེས་པ་དང་མཐོང་བ་
D3.006.0002b05.01ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས་སྟོན་པ་ཤེས་ལྡན་འདི་ནི་ཤེས་པ་དང་མཐོང་བ་ཡོངས་སུ་མ་དག་བཞིན་དུ་བདག་གི་ཤེས་པ་དང་མཐོང་བ་ཡོངས་སུ་དག་ཅིང་ཀུན་ནས་ཉོན་མོངས་
D3.006.0002b06.01པ་མེད་དོ་ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གཞན་ལ་བརྗོད་པར་གྱུར་ན་དེས་འདི་ཡིད་མི་དགའ་བར་འགྱུར་བས། བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་དུ་སྤྱད་པས་ཅི་བྱ་སྟེ། སྟོན་པ་ཤེས་ལྡན་འདི་རང་ཉིད་
D3.006.0002b07.01