完整藏文原文 · 德格版页 当前仅加载第 6 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
སྤོས་དང་། ཕྱེ་མ་འཁྲིགས་པ་དང་། རྒྱལ་མཚན་དང་། བ་དན་བསྒྲེང་བ་དང་། མེ་ཏོག་སྣ་ཚོགས་བཀྲམ་པ་གྱིས་ཤིག །རྒྱལ་པོ་རྣམས་ནི་ཚིག་གིས་འགྲུབ་ལ། ལྷ་རྣམས་ནི་སེམས་ཀྱིས་འགྲུབ། རྣལ་འབྱོར་པ་རྣམས་ནི་སེམས་བསྐྱེད་པ་ཙམ་
D3.006.0093a01.01གྱིས་ཐམས་ཅད་འགྲུབ་པས་བློན་པོ་རྣམས་ཀྱིས་ལྷ་བཀའ་བཞིན་འཚལ་ཞེས་རྒྱལ་པོ་ལས་མཉན་ནས། གྲོང་ཁྱེར་ཐམས་ཅད་རྡོ་བ་དང་། གྱོ་མོ་དང་། གསེག་མ་མེད་པར་བཞག་ཅིང་། བདུག་སྤོས་དང་། ཕྱེ་མ་འཁྲིགས་པ་དང་། རྒྱལ་མཚན་དང་། བ་དན་བསྒྲེང་
D3.006.0093a02.01བ་དང་། མེ་ཏོག་སྣ་ཚོགས་བཀྲམ་པ་བྱས་སོ། །ལྗོངས་ཀྱི་མི་འབུམ་ཕྲག་དུ་མ་དག་ཀྱང་གཞོན་ནུ་ལྐུགས་འཕྱེ་རྐང་པས་གྲོང་ཁྱེར་དུ་འཇུག་ཅིང་ཚིག་ཀྱང་སྨྲ་བར་འགྱུར་རོ། །ཞེས་ཡ་མཚན་སྐྱེས་ནས་འདུས་པར་གྱུར་ཏོ།། །།འདུལ་བ་རྣམ་པར་འབྱེད་པ། བམ་
D3.006.0093a03.01པོ་ཉི་ཤུ་དགུ་པ། དེ་ནས་གཞོན་ནུ་ལྐུགས་འཕྱེ་རྐང་པས་གྲོང་ཁྱེར་དུ་ཞུགས་ནས་རྒྱལ་པོ་ཚངས་བྱིན་ག་ལ་བ་དེར་སོང་སྟེ་ཕྱིན་ནས། རྒྱལ་པོ་ཚངས་བྱིན་གྱི་རྐང་པ་གཉིས་ལ་གཏུགས་ཏེ། དེའི་ཚེ་ཚིགས་སུ་བཅད་པ་སྨྲས་པ། བདག་ལྐུགས་མ་ལགས་འཕྱེ་མ་
D3.006.0093a04.01ལགས། །གླེན་པ་མ་ལགས་བློ་མེད་མིན། །གསལ་བར་བགྱིད་པའི་ཚིག་རྣམས་ཀྱིས། །སྨྲ་བ་བདག་ལགས་མི་དབང་པོ། །བདག་ལྐུགས་མ་ལགས་འཕྱེ་མ་ལགས། །གླེན་པ་མ་ལགས་བློ་མེད་མིན། །དབང་པོ་ཚང་བ་གསལ་བ་དང་། །ལྡན་པ་བདག་ལགས་
D3.006.0093a05.01མི་དབང་པོ། །རྒྱལ་པོས་སྨྲས་པ། བུ་ཁྱེད་ཅིའི་ཕྱིར་ཚིག་སྨྲ་བར་མི་བྱེད་ཅིང་རྐང་པས་འགྲོ་བར་མི་བྱེད། ལྷ་དེའི་སླད་དུ་གསོན་ཅིག །བདག་གིས་སྔོན་གྱི་ཚེ་རབས་སུ། །དགུང་ལོ་དྲུག་བཅུར་བདག་གིས་ནི། །མི་རྣམས་ནང་དུ་རྒྱལ་ཚབ་ཀྱི། །རྒྱལ་སྲིད་རིགས་
D3.006.0093a06.01མཐུན་བགྱིད་སྩལ་བས། །དགུང་ལོ་སྟོང་ཕྲག་དྲུག་བཅུ་རུ། །སེམས་ཅན་དམྱལ་བར་རབ་ཏུ་བསྲེགས། །སེམས་དམྱལ་སྡུག་བསྔལ་མི་བཟད་པ། །དྲག་པོ་འཇིགས་རུང་དྲན་གྱུར་ནས། །རྒྱལ་སྲིད་མངོན་པར་མི་འཚལ་ཞིང་། །སླན་ཅད་སེམས་དམྱལ་མཆི་མི་
D3.006.0093a07.01