完整藏文原文 · 德格版页 当前仅加载第 6 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་
D3.006.0154a01.01ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མངོན་མཚན་ཅན་གྱིས་སྤྱོད་པ་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེ་དག་གམ། གཞན་ཡང་དེ་ལྟ་བུ་གང་ཡིན་པའོ། །མངོན་མཚན་
D3.006.0154a02.01ཅན་གྱིས་སྤྱོད་པ་རྣམ་པ་སྣ་ཚོགས་ཞེས་བྱ་བ་ནི་རྣམ་པ་དུ་མའོ། །བྱེད་ན་ཞེས་བྱ་བ་ནི་ཀུན་དུ་སྦྱོར་བར་བྱེད་པ་དང་། རབ་ཏུ་སྦྱོར་བར་བྱེད་པ་དང་། བུན་འགྱེད་པར་བྱེད་པ་དང་། སྐྱེད་འགྱེད་པར་བྱེད་པ་ལྷག་པར་སྤྱོད་པར་བྱེད་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི་
D3.006.0154a03.01དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་སྟེ། དེས་ན་སྤང་བའི་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་རྙེད་པ་འདོད་པས་ཡུལ་གྱི་ཐ་སྙད་ཀྱི་ཟོང་ཀུན་དུ་སྦྱོར་བར་བྱེད་ཅིང་། དེ་དེ་ལ་ཤིང་རྟ་དང་གླང་དང་གླ་
D3.006.0154a04.01མི་དང་། དཔང་པོ་དང་། གྲོ་བ་དང་། སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་དེ། ཤོ་གམ་དང་ལ་གཅན་དང་གྲུ་བཙས་སྦྱིན་པར་བྱེད་ན་ཇི་སྲིད་དུ་རྙེད་པ་དག་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། རྙེད་པ་བདག་གིར་བྱེད་པ་ན་སྤང་བའི་
D3.006.0154a05.01ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་དབྱིག་གམ། གསེར་རབ་ཏུ་སྦྱོར་བར་བྱེད་ཅིང་། དེ་དེ་ལ་དཔང་པོ་དང་། གྲོ་བ་དང་སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་ན་ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ།
D3.006.0154a06.01རྙེད་པ་དག་བདག་གིར་བྱེད་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་ནས་དང་། འབྲུའི་བུན་འགྱེད་པར་བྱེད་ཅིང་། དེ་དེ་ལ་གཞལ་བླུགས་དང་། བྲེའུ་ཆུང་དང་། ཕུལ་དང་། དཔང་པོ་དང་། གྲོ་བ་དང་། སྣག་ཚ་དང་། སྨྱུ་གུ་དང་།
D3.006.0154a07.01