完整藏文原文 · 德格版页 当前仅加载第 6 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཟིན་ལ་གཙུག་ལག་ཁང་དེ་ཕྱིར་བྱིན་ཅིག །དགེ་སློང་དེ་དག་གིས་ཚེ་དང་ལྡན་པ་སྒྲ་ཅན་ཟིན་ལ་གཙུག་ལག་ཁང་དེ་ཕྱིར་བྱིན་ནོ། །འདི་ནི་རེ་ཞིག་བྱུང་བ་ཡིན་གྱི་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །
D3.006.0205b01.01སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བསོད་སྙོམས་པ་ཞིག་གིས་ཁྱིམ་བདག་ཅིག་སྐྱབས་སུ་འགྲོ་བ་དང་། བསླབ་པའི་གཞི་དག་ལ་བཞག་ནས་དུས་གཞན་ཞིག་ན་བསོད་སྙོམས་པ་དེས་
D3.006.0205b02.01ཁྱིམ་བདག་དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་དག་གི་བསྔགས་པ་བརྗོད་པ་དང་། ཁྱིམ་བདག་དེས་སྨྲས་པ། འཕགས་པ་བདག་གིས་ཀྱང་རེ་ཞིག་རྫས་ལས་བྱུང་བའི་བསོད་ནམས་བགྱི་བའི་གཞི་ཅུང་ཞིག་བགྱིའོ། །དེ་བཞིན་གྱིས་ཤིག །ཅི་ཞིག་
D3.006.0205b03.01བགྱི། སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་ཅིག །དེ་བཞིན་བགྱིའོ། །ན་བཟའ་དབུལ་བ་ཡང་ཅུང་ཟད་ཡོད་དམ། འཕགས་པ་བདག་ནི་ལོངས་སྤྱོད་སྲབ་པ་ལགས་མོད་ཀྱི་རས་ཟུང་གཅིག་དབུལ་ལོ། །འཕགས་པ་ཁྱོད་ཀྱིས་སང་བདག་
D3.006.0205b04.01གི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲང་དུ་གསོལ། བསོད་སྙོམས་པ་དེས་ཚོགས་པའི་དུས་སུ་ཁྱིམ་བདག་དེའི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང་།
D3.006.0205b05.01དགེ་སློང་རྣམས་ཀྱིས་སྨྲས་པ། བསོད་སྙོམས་པ་ཁྱོད་ཁྱིམ་དད་པར་བྱེད་པར་གྱུར་ཏོ། །བསོད་སྙོམས་པ་ཅི་ཁྱིམ་བདག་གིས་ཡོན་དང་བཅས་པའི་མཆོད་སྟོན་གསོལ་ལམ། འོན་ཏེ་ཡོན་མེད་པའི་མཆོད་སྟོན་གསོལ། ཚེ་དང་ལྡན་པ་དག་ཡོན་དང་བཅས་པ་སྟེ། འོན་ཀྱང་
D3.006.0205b06.01ཁྱིམ་བདག་དེ་ལོངས་སྤྱོད་སྲབ་པ་ལགས་པས་འདི་ལྟར་རས་ཟུང་གཅིག་འབུལ་ལོ། །ཉེ་{དགའས་,དགས་}ཐོས་ནས་དེས་བསམས་པ། གང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རས་ཟུང་གཅིག་འབུལ་བ་དེ་ནི་ཆེན་པོ་ལ་འོས་པ་ཞིག་འབྱུང་གོར་མ་ཆག་གིས་
D3.006.0205b07.01