完整藏文原文 · 德格版页 当前仅加载第 6 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། །ཐུབ་དབང་ཞབས་ལ་མགོས་གཏུགས་ནས། །བདེ་གཤེགས་ཀུན་ནས་རྟོག་ཅིང་སྡོད། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བདག་གི་བུས་ཡོན་ཏན་གྱི་ཚོགས་འདི་ལྟ་བུ་རྟོགས་པ་ནི་བདག་གིས་རྙེད་པ་ལེགས་པར་རྙེད་དོ་སྙམ་མོ། །དེ་ནས་བཅོམ་
D3.006.0075b01.01ལྡན་འདས་ཀྱིས་སྐྱེ་བོ་ཕལ་པོ་ཆེའི་ཚོགས་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཐུགས་སུ་ཆུད་ནས། འདི་ལྟར་རྒྱལ་པོ་ཟས་གཙང་དང་། ལྷས་སྦྱིན་སྡིག་པ་འདོད་པ་ང་རྒྱལ་ལས་ཀྱང་ང་རྒྱལ་ཅན་མ་གཏོགས་པ་ཟས་དཀར་ལ་
D3.006.0075b02.01སོགས་པ་ཤཱཀྱ་བདུན་ཁྲི་བདུན་སྟོང་གིས་བདེན་པ་དག་མཐོང་བར་གྱུར་པ་དེ་ལྟར་ཆོས་བསྟན་པ་མཛད་དོ། །དེ་ནས་སྲོག་ཆགས་སྟོང་ཕྲག་མང་པོ་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་བུ། ཁ་
D3.006.0075b03.01ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་རྣམ་པར་
D3.006.0075b04.01གཞག་པར་མཛད་དོ། །རྒྱལ་པོ་ཟས་གཙང་ནི་བདག་གི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་ནོ་སྙམ་དུ་ཧ་ཅང་དགའ་བས་བདེན་པ་མ་མཐོང་ངོ་། །ལྷས་བྱིན་ནི་སྡིག་པ་འདོད་པ་དང་། ང་རྒྱལ་ལས་ཀྱང་ང་རྒྱལ་གྱིས་བདེན་པ་མ་མཐོང་ངོ་། །ལྷས་བྱིན་
D3.006.0075b05.01བདེན་པ་མ་མཐོང་ཞིང་ཁྲོ་བས་ཟིལ་གྱིས་ནོན་པས་སྨྲས་པ། གལ་ཏེ་བདག་གིས་ཀྱང་འདི་ལྟར་རྗེས་སུ་འཇུག་པར་བྱེད་པའི་སྒྱུ་མ་ཤེས་པར་གྱུར་ན། བདག་གིས་ཀྱང་འཇིག་རྟེན་ཐམས་ཅད་རྗེས་སུ་འཇུག་པར་བྱ་བ་ལ་རག་གོ། །ཤཱཀྱ་གཅུགས་པར་གྱུར་པ་དགའ་བ་སྟོན་པ་དག་གིས་
D3.006.0075b06.01དེ་ལ་སྨྲས་པ། ལྷས་བྱིན་ཐོང་ཤིག་བཅོམ་ལྡན་འདས་ནི་རྫུ་འཕྲུལ་ཆེ་བ། མཐུ་ཆེ་བ་ཡིན་གྱིས་དེ་སྐད་མ་ཟེར་ཅིག །དེ་ནས་དེ་ཅང་མི་སྨྲ་བར་འདུག་གོ། །ཉི་མ་གཉིས་པ་ལ་སྐྱེད་མོས་ཚལ་སྐྱེ་ཡོད་དུས་ཕྱོགས་གོ་སྐབས་ཡངས་པར་གདན་ཐབས་ཟླ་གམ་ལྟ་བུ་བཤམས་པ་
D3.006.0075b07.01